Isikiel 16:13 - DAWAN BÎLA AISKA

¹³ Gul bara silbar ni mai srukan kan; kwalkam nani ba maman dukia kata, mapla sât sât. Brit kau yamni ba pi katma, nasma laya bara oliv batanka laya. Prana pali takatma, kwin kum takatma.

Isikiel 16:13 ပူးပေါင်းရင်းမြစ်များ

Blasi Sturka 17:6

Man kiamkam ba ailal pali daukamni, man wina nisan nani ailal pali bal takbia, king nani sin man wina bal takbia.

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

Esdras 4:20

Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Esdras 5:11

Bara witin nani pana yang nani ra ai win: ‘Yang nani sika Gâd kum laih purara bara tasba ra sin bâra ba Gâdka ra mayunisna; yang nani naha tempelka na kli mâkisna, pat mani nani luan ra Israel kingka kum karnika tara bri kan ba mita naha ba pat aiska mâkan kan bamna.

Job 29:6

Tialka laya ba tasba kat laiwi kan, bara batana laya ba walpa wina iswi kan.

Lawana Nani 48:2

¡Nahki painkira prana sa, Saion ilka pura ba, laih yahbra tani ra, tasba aiska liliaka sa, king tara tawanka sa!

Lawana Nani 50:2

Dawan ba bui laih Saion wina ai ingnika blikisa, baha tawanka pranakira kasakkira pali ba wina.

Lawana Nani 81:16

Bara Gâd ai uplika nani ra plawar mâ kau pain ba wal dakakaia kan, bara nasma wail ba wal ai diranka daskaia kapri.

Aiseya 64:11

Yawan wan pura sunaia watla holikira ba, baha yawan wan prana kata ba, baha bilara yang nani damiki nani man ra mamyuni kata; baha sut nanara pauta ra angkan. ¡Baku sin yawan wan dukia manakira kau pali pain kaiki kata!

Jirimaya 13:20

Man nani lamla buki kaiks waihlam yahbra wina nahki aula ba. ¿Yang maikatna daknika ba anira sa, baha daknika ba ra luki mamyuni katma ba?

Inanka Nani 2:15

Baha nani yabal ra lui nani ba, ai mihta pruki kira ni puram winisa; Jerusalem pranakira ba dukiara, wasbi, ai lal wauhi pura wini aisisa: “¿Naha tawanka apia ki, tasba aiska ra kanra pranakira sa wi kata ba?”

Isikiel 16:10

Kwala pranakira mai dingkamna, minam dingkaika painkira sin maikri, linin kwalka maisam wilkaika maikri, bara kwalka yamnikira maman sin maikri.

Isikiel 16:17

Gul ni bara silbar ni paskan dukia nani prisant maikatna ba briram, baha ni waitna lilka nani paskram baha nani brih ur takaia lâka daukaia;

Isikiel 16:19

Man ra brit maikri ba plawar kau pain ba ai daukan britka ba, bara batana laya nasma sin yang mai dakakri, bara baha nani ba man bui witin nani ra kîa pain prisantka dauki yaram. Yang, Dawan, kasak aisisna.

Isikiel 23:40

“Bîla twatwilkra blikan upla nani ra wiaia, plis laih wina balbia; bara witin nani balan. Witin nani wâl ba aihtaban, bara ai nakra tamaya dingkan bara ai mihta ra bangkil mangkan yamni briaia dukiara;

Isikiel 27:16

Edom ba diara man wina atki kan, diara ailal bri kapram bamna; baha granit walpaya, kwala balianta, kwala maman nani, wahmuk kwalka mana pali, kabu dusa manakira bara rubi walpaya.

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Kli Smalkanka 8:8

baha tasbaya ra lika plawar, barli mâ, wain nasla, kwah damni dusa, drap, oliv nasma laya sin bâra sa.

1 Samuil 10:1

Samuil batana laya batil kum brih, Saúl lal ra laikan bara win: —Dawan bui naiwa ai uplika Israel luhpia nani wihtka bâk mai sakisa, ai uplika Israel ra. Man bui witin nani lâka daukma bara ai waihla nani ai kaina kir ba mihta wina sin pri sâkma. Batana mai laikisna na sika Dawan bui wihta mai mangki ba tânka marikisa.

1 Samuil 12:12

Sakuna man nani kaikram Nahas, Amón kingka mampara aiklabaia buan ba ra, Dawan Gâdkam man nani kingkam brisma, ban sakuna yang ra makabram king kum mangki maikamna.