Isikiel 14:20 - DAWAN BÎLA AISKA

²⁰ bara baha nani tilara Noa, Danel bara Job sin, bâra kabia kaka, ai luhpia waitna bara ai luhpia mairin nani sin swaki sâkbia apia, witin nani baman swakbia witin nani kasak ba mita. Yang, Dawan, yang rayaki ba ni swer takisna.

Isikiel 14:20 ပူးပေါင်းရင်းမြစ်များ

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Isikiel 14:16

Bara baha waitnika yumhpa, witin nani tilara kan kaka, ai luhpia waitna bara ai luhpia mairin sin swaki sâkbia apia; witin nani baman swakwaia kan, bara kuntri ba upla iwras tasbaya takbia. Yang, Dawan ba, rayaki wal swer takisna.

Isikiel 14:19

“Apia kaka siknis blikamna baha kuntrika ra, bara kupi baiwan ra prura mâ ba bahara mangkamna, upla nani bara daiwan nani sin pruaia,

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 18:20

Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Isikiel 18:22

Yang kli kupi kraukamna apia, saurka nani daukan ba dukiara, bara witin raya kabia, wapni lâka ra daukan bamna.

Isikiel 3:19

Sakuna man smalki lawi daukram kuna, ai kupia lakras sa ai saurka ba wina, bara ai yabalka saura ba swiras, bara witin prubia, kuna man sulkam ba pri sakram kabia.

Daniel 1:6

Baha wahmika nani tilara Juda kiamka wina Daniel, Ananías, Misael bara Azarías bâra kan.

Oseas 10:12

Yang bui witin nani ra wîri: Kasakka lâka mâ ba, man nani mangks bara latwan kaikaia mâ nani ba kriks. Tasba baiki dauks, mâ raya nani mangkaia dukiara, kan nanara mahka Dawan plikaia piua sa, witin balbia kat bara swaki mai sakan laya ba, man nani puramra auhbia.

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:7

Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.