Isikiel 14:11 - DAWAN BÎLA AISKA

¹¹ Israel luhpia nani ba yang laima wina kli taki waia apia, saurka lâka bara kli tâski takaia apia dukiara. Witin nani ba yang upliki nani kabia, bara yang lika witin nani Gâdka kamni. Yang, Dawan, kasak aisisna.”

Isikiel 14:11 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Lawana Nani 119:67

Kau mâyara bawras kapri bara tanis lâka manis daukri, sakuna nanara, yang bîlam wali daukisni.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:38

Witin nani ba yang upliki nani kabia, yang sin witin nani ai Gâdka kamna.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Isikiel 14:10

Sut saurka tâwan klala yabamni: baha saurka tânka pliki kaikan ba, baku kabia prapit nani sin.

Isikiel 14:12

Dawan bîla yang ra balan bara ai win:

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Isikiel 39:22

Baha yua wina ai tâura, Israel wina nani ba ai tânka bribia, yang sika ai Dawan Gâdka sna ba.

Isikiel 44:10

Libait nani, yang wina laihura taki wan ba, Israel yabal wala ra taki wan bara ai lulki ai swin aidul ra mayunaia dukiara, aibapaia kabia ai saurka tâwan.

Isikiel 44:15

“Libait nani prîs takan Sadoc kiamka nani ba, tempelka ra ban wark dauki kan Israel luhpia nani tnaya ra taki wan ba ra, sip kabia laimara balaia duki daukaia. Witin nani maiwanra balbia bara batanka nani ba tala ba sakripais dauki aikbia. Yang, Dawan ba, baku adar yabisni.

Isikiel 48:11

Baha Sadoc kiamka nani prîs nani Dawan lamara takaskan nani ba tasbaya. Dawan warkka ba witin nani baman dauki kan, Israel luhpia nani Libait nani Dawan yabalka swin ba nani blikras.

Kli Smalkanka 13:11

Naku natka ra kli saura daukaia dukiara, Israel aiska ai tânka brih sibrin bri bribia.

Kli Smalkanka 19:20

Bara wala nani baha tânka bribia ba ra, witin nani sibrin daukbia, bara daukanka saura nani ba daukaia trai kaikbia apia.

Hibru Nani 11:16

Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

2 Pita 2:15

Witin nani yabal wapni ba swin mita tiwi wataukisa. Beor luhpia prapit Balaam daukanka ba nina blikisa, bamna Balaam sika diara saura dauki lalah briaia baman luki kan;

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.