Isikiel 12:3 - DAWAN BÎLA AISKA

³ Baha mita man dukiamra dîa briaia sma ba kat ridi dauks tasba wala ra auma baku kakna upla sut mai kaiki kaka, wamtla wina taki plis wala ra was; ban kra witin nani baha tânka bribia mapara babura uplika nani ba.

Isikiel 12:3 ပူးပေါင်းရင်းမြစ်များ

Lawana Nani 81:13

¡Upliki ba bîli wali daukan kan kaka! ¡Israel ba yabalki nani ba nina blikan kan kaka,

Jirimaya 10:17

—Nisan, man mai kutban bamna, dukiam nani ba kuki bris.

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 27:2

bara witin ra win: “Bîp lal ra mangki dusa ba kum paski awa wilki bara namna ra pams.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Isikiel 12:7

Yang duki nani ridi daukri, nahki Dawan mita adar aikan ba kat; bara witin wal taki wari kakna yu klir ra, sim upla kum alba lâka ra auya baku. Tutni tawan taim, kutbanka bara unta kum daukri yang mihti ni; tihmia iwan ba ra, upla sut nakra ra diara nani ba paihpaya ra suni brih, baha bâk taki wari.

Isikiel 3:26

Baha purkara yang mita daukaisna man twisam ba darkayam ra prawbia, bara sturi aisaras kama. Man sip smalkma apia, tawan kum mapara babura kabia sin.

Isikiel 3:27

Sakuna yang sturi kum mai wiaia want sna piua ra, yang kli maikrika sturi aisama, bara ningkara man wima: ‘Dawan ba naha aisisa.’ Ya walan dauki ba walbia, sakuna ya walan daukras ba sin walras kabia, kan tawan kum mapara babura nani sa.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 43:11

Bara ai swira takbia kaka dîa dîa daukan sut dukiara, bara wis tempel natka ba bara dîa bâra ba bahara; takaika ba bara dimaika ba, lâs kat, lilkika aiska ba, baku natka ra lâ nani kulkaia sa. Nahara lilki dauks, ai tânka aiska nahki kaia ba kat. Lâika nani sut ba uls bara baha kat kulkaia kabia.

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Luk 20:13

Ban tnata ra, insla dawanka ba bila: ‘¿Dîa daukamna? Yang luhpi laitwankira ba blikamna, bamna witin nani mita kaikbia, ban kra kulkbia sapa.’

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.