Isikiel 12:25 - DAWAN BÎLA AISKA

²⁵ Kan yang, Dawan ba, aisaisna bara dîa aisamna ba bîli ba bal aimakbia; kau takaskan kabia apia. Man nani mita kaikma, mapara babura uplika nani; yang aisamni bara yabrika dîa aisamna ba kat aimakbia. Yang, Dawan ba, mai aisisna.”

Isikiel 12:25 ပူးပေါင်းရင်းမြစ်များ

Aiseya 14:24

Karnika sut bri Dawan ba swer taki aisin: “Kasak pali yang dîa luki kaikri ba kat daukan kabia; yang daukaia luki kaikri ba baku daukbia.

Aiseya 55:11

baku kabia yang bîli wina taki ba, bîli nani ba, mâ sakras kli yang ra tawi balbia apia, sakuna dîa daukaia brin ai dauki ba baha daukbia, blikri ba kat takbia.

Jirimaya 1:11

Dawan ba yang ra aisi, naku ai win: “Jirimaya, ¿man dîa kaikisma?” “Amans tnawa kum kaikisna” —wîri.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Isikiel 12:26

Dawan bîla ba yang ra balan bara ai win:

Isikiel 12:28

Baku bamna wis: ‘Naku wisa Dawan ba: Yang bîli nani ba kumi kau takaskan kabia apia; yang dîa aisari ba sut aimakan kabia. Yang, Dawan ba, mai aisisna.’ ”

Isikiel 6:10

Bara witin nani ai dara walbia yang sika Dawan sna; saura nani ba man nani ra blikaia pramis mai munri ba, baha yang bahki aisaras.’ ”

Isikiel 7:13

Ya diara upla wala ra atkan ba, kli witin ra tawi balbia apia; ai bisniska nani daukan ba sin sip slingbia apia. Watawikira nani ai rayaka ba sip yamni bribia apia.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Abakuk 1:5

Bara Dawan pana witin ra win: “Aihwaki kaiki bas nisan nani tnamya kir mai kutbi bri ba; man nani kaiks bara sirang tara iwi kama. Yang mahka baha dukia sâtka nani daukaia pat baila sna, man nani baha sturka walma ba ra, sip kasak lukma apia, upla kum bal mai wibia kaka.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Kulki Kaikanka 11:23

Bara Dawan bui Moses ra pana aisin: —¿Dîa Dawan ba karnika âpu sa ki? Nanara kaikma yang bîli ba aimakisa sapa, apia kaka aimakras sapa.

Matiu 24:35

Kasbrika tasba wal lui wabia, sakuna bîli nani lika aimakan kabia.

Luk 21:13

Naha na man nani mampa ra sans kum kabia, yang dukira witnis aisaia.

Luk 21:33

Kasbrika pura ba bara tasba na sin lui wabia, sakuna yang bîli nani ba lui wabia apia.