Isikiel 11:1 - DAWAN BÎLA AISKA

¹ Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 11:1 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

2 King Nani 25:23

Bara Juda aiklaklabra lalka nani naha walan ba ra, witin nani ai uplika nani aikuki Mispá kat balan, Guedalías ba wihta tara Babilon kingka mita mangkan win ba wal aisaia. Naha nani balan kata: Ismael, Netanías luhpia; Johanán, Caréah luhpia; Seraías Tanhúmet luhpia, Netofá wina kata ba; bara Jaazanías, Maacá nina mâki luhpia kata ba. Witin nani ai uplika nani sut aikuki balan.

Aiseya 1:10

Sodoma wihtka nani, man nani lika Dawan bîla na wals; wan Gâdka lâka nani na aman wals, Gomora uplika nani, dîa mai smalkaia ba.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Isikiel 10:19

Naha nani ba ai tnawa nani ridi daukan ba ra, tasba wina buan; yang kaikri nahki buan ba, ai wilwaika nani tnaya ra, bara nahki sin takaskan ba, Dawan tempelka durka lalma tani ra ba ra. Baku ba ra Israel Gâdka prana ba, witin nani ai purara kan.

Isikiel 10:22

Bara mawan nani ba baha ai rayaka bri ai tnawa nani sin bri ba talia kan, Quebar awala un ra yang kaikri ba. Kumi bani ba ai kaina kat wapi kan.

Isikiel 11:13

Dawan nina yang bui man nani ra kau aisi kapri, Pelatías Benaías luhpia ba kauhi pruan. Bara yang maiwanra tasba kangbaia kat bawri, bara bîli baikra tara saki winri: “¡Ay, Dawan! ¿Israel kiamka wiria takaskan ba âpu daukaisma ki?”

Isikiel 11:24

Tisku Gâd karnika bal ai bukan, bara kli ai brih wan Babilon ra, tasbaya wina sakan uplika wala nani bâra kan ba tilara naha takan, kan lilka kum Gâd spiritka mita ai marikan ba mita. Ningkara lilka ba kli lap tiwan.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 3:12

Ningkara Gâd karnika ba mita ai bukan, bara bin tara kum yang ninira ba walri tasba nikbi baku takan, Dawan prana tara ba ai pliska ba wina buan ba ra.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Isikiel 37:1

Dawan ba ai mihta laila ra kahban, bara ai karnika tara ba aikan, bara ai mangkan il bîla kum ra upla pruan dusa nani man kan tilara.

Isikiel 40:6

Baha wina witin lalma tani getka ra wan. Bara tips bâk uli purara wan, getka tani wâl ba kulki, baha sin 10 pît bîla yahpika bri kan.

Isikiel 41:1

Baha waitna ba mita tempel lilapas kat ai brih wan, bara playa tara skwir nani wâl ba kulki kaikan, baha wâlsut ba yahpika twaknika tnaya kumi bani ba 10 pît kan.

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Oseas 5:10

Dawan aisisa: “Juda wihtka nani ba sin baha uplika nani ba baku sa, tasba piarkika ba wina kainara kitbisa. ¡Sakuna yang kupi baiwanka lisamrika ra dingkaisna!

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,