Isikiel 1:4 - DAWAN BÎLA AISKA

⁴ Baha ningkara kaikri, yahbra wina prari, pâsa karnakira kum aula kan; bara kasbrika tara kum wina pauta klauhan kum taki kan imyula baku. Bara ai kaina kir ba ingni tara dingki bri kata. Pauta klauhi ba lilapas ra bras ingni tara bri ba bâk klauhi kata,

Isikiel 1:4 ပူးပေါင်းရင်းမြစ်များ

1 King Nani 19:11

Bara Dawan bui win: “Latara taki bal, bara bus maiwanra il ba purara.” Baha sim minitka ra Dawan luan, bara pâsa tara karna pali krawan, ban il nani ba baiwi kan, walpa tara nani ba sin tartar baiwi kan Dawan kainara, sakuna pâsa ba tilara Dawan bâra âpu kan. Bara pâsa ba luan ningkara, tasba nikban, sakuna tasba nikban ra Dawan âpu kata.

2 King Nani 2:11

Bara witin nani wal wapi aisi wan ba ra, ai dahra walras kan wagin ba pauta klauhan; bara araska ba sin pauta klauhi kan, bara wal dakwi takan, bara Ilayas ba laih kasbrika purara pali, bara pâsa karna kum mita brih uli wan.

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

Job 38:1

Bamna Dawan mita Job ra aisin, pâsa karna kum krawi ba bâk, bara naku win:

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Impakan Sturka 9:24

Imyula puli ba bara ais mâ nani yakawi ba sip takaskras kan. Idsip tasbaya ra kau naha prais baku diara saura takras kan, naha piua kat.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 21:1

Upla iwras tasbaya ba dahra aisinka: Prari nani baku waupasa wina aula, upla iwras tasbaya wina aula sirang iki pliska ba.

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Jirimaya 25:32

Dawan, karnika sut bri ba, aisisa: “Sauhkaia klalka ba nisan kum ra alkbia, kli wala ra alkbia; pâsa saura karna kum tasba kir wina krawbia.”

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Isikiel 1:27

Ai maisa wina pura tani baku ba ra kaikri, ingni mita lipi kan bras karna baku, bara pauta klauhan lama kir kan. Maisa wina mahta tani ra kaikri pauta klauhan baku kan. Ai kaina kir ra, ingnika tara kum bâra kan,

Isikiel 13:11

Wis kal wal pihni yuki nani ra, baha kauhbia; lî karna prari baku auhbia, bara lî klaswan yuyaka walpa baku yabrika auhbia, bara pâsa karnakira sin balbia.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Isikiel 43:3

Baha lilka yang kaikri ba, Dawan Jerusalem sauhkaia balan taim pat kaikri ba baku kan, bara Quebar awala un ra kaikri lilka ba sin baku kan. Bara yang laila makupri maiwan tasba ra kangbaia praiska kat,

Isikiel 8:2

bara diara kum kaikri, kaiks upla baku lilka kum kata; ai maisa wina mâya tani ra, diara kum kaikri pauta klauhi baku kan; bara ai maisa wina pura tani ra lipi kan, bras klauhira baku.

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.