Isikiel 1:24 - DAWAN BÎLA AISKA

²⁴ Witin nani ai kanra auya bara tnawa nani binka dauki kan ba sin awala lisamra tara aubi ba binka baku kan. Karnika sut bri ba bîla baikra baku, aiklaklabra nani ailal aula binka ba baku. Witin nani takaskuya ba ra, ai tnawa nani ba sin mâyara iki kan.

Isikiel 1:24 ပူးပေါင်းရင်းမြစ်များ

2 King Nani 7:6

Dawan mita Siria uplika nani ra sirang ikan plapan takaski kan ba pliska wina, wagin nani binka walan, aras nani mina binka sin, bara aiklaklabra nani daknika tara pali aula binka baku walan; bara Siria uplika nani lukan, Israel kingka ba hitita kingka nani ra bara Idsip kingka nani ra aibapan ai mapara aiklabaia balbia.

Job 37:2

Gâd bîla baikra binka tara ba wali banhs, ai bîla wina alwani bal taki ba sin.

Lawana Nani 18:13

Dawan Laih Purara iwi ba witin sin yan kasbrika purara alwani ringban; ais bara masku aswan ba sin auhan.

Lawana Nani 68:33

Kasbrika pura nani ra uli tauki ba, ban kaia ra kasbrika purara ba, Man nani wals ai bîla binka nahki taki ba, ai bîla baikra karnika tara bri ba.

Isikiel 10:5

Baha rayaka bri nani tnawa binka ba, baha kutbanka lila ba kat wali kata, Gâd, karnika sut bri ba aisi ba binka baku kan.

Isikiel 3:13

Baku sin walri, rayaka bri ba tnawa binka, kumi wih wala wal asla taki kan ba, bara wilwaika binka ba sin, witin nani kainara auya kan ba; bara bin tara pali kan, tasba nikban tara baku.

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Daniel 10:6

Ai prâka ba lipi kan walpa lalahni manakira lipi ba baku kan, ai mawan ba lipi kan imyula lipi ba baku, ai klahkla nani bara ai mina nani ba lipi kan bras lipi ba baku, ai bîla baikra binka ba upla ailal aisi ba baku kan.

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.