Impakan Sturka 7:23 - DAWAN BÎLA AISKA

²³ King fero kli ai watla ra tawi wan, diara nani taki ba dukiara diara lukras pali aihwa.

Impakan Sturka 7:23 ပူးပေါင်းရင်းမြစ်များ

Job 7:17

¿Upla ba dîa sa, bara uya pali tara kulkisma ba? ¿Dîa muni upla ba dukiara uya pali lukisma ba?

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 7:24

Idsip uplika nani sut, liwanhta nani salhkan awala un nani ra lî klin briaia dukiara, kan awala nani laya ba sip diras kan bamna.

Impakan Sturka 9:20

King fero uplika tara nani tilara baha walan ba ra, witin nani sibrin takan, Dawan mita baku witin nani ra ai maisa pakan ba dukiara. Bamna witin nani wan ba ra, ai albika nani bara baku sin ai daiwra nani sut ba watla ra dingki yukukan.

Impakan Sturka 9:21

Ban sakuna, tila kum kum lika Dawan bui witin nani ra maisa pakan dauki ba bahki kulkan, bara ai daiwra, diara nani bri kan ba sut, ban latara swin.

Sins Lâka 22:17

Sinskira bîla nani aisinka ba, man kiamam pri tniki wals, dîa mai wi ba kat aman wals.

Sins Lâka 24:32

Yang baha kaikri bara kupi kat mangki lukri; kaikri bara naha smalkanka lan takri:

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 36:24

Sakuna king ba wihta nani ba kumi sin baha angki ba dukiara sibrin daukras, sari takaia tukinka sin marikras kan.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Isikiel 40:4

Bara baha waitnika ai win: “Aman kaiks bara tânkira wals; aman pali kaiki bas diara sut mamrikaisna nani ba, Gâd mai brih balan sa yang diara na mamrikaia. Ningkara, dîa kaikma ba sut Israel luhpia nani ra wima.”

Abakuk 1:5

Bara Dawan pana witin ra win: “Aihwaki kaiki bas nisan nani tnamya kir mai kutbi bri ba; man nani kaiks bara sirang tara iwi kama. Yang mahka baha dukia sâtka nani daukaia pat baila sna, man nani baha sturka walma ba ra, sip kasak lukma apia, upla kum bal mai wibia kaka.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

1 Samuil 4:20

Mairin nani ai lamara kan ba kaiki kan, mairka na mahka prui kan, bara witin nani bui win: “Si bripara, luhpiam waitna briram.” Sakuna witin pana diara sip aisaras kan.