Impakan Sturka 7:20 - DAWAN BÎLA AISKA

²⁰ Bamna Moses bara Eran wal Dawan mita dîa daukaia win ba, witin nani baha daukan. Eran ai kînka ba king fero bara ai uplika tara nani mawanra bukan, bara awala laya ra prukan, bara lî kata ba sut tala baman takan.

Impakan Sturka 7:20 ပူးပေါင်းရင်းမြစ်များ

2 King Nani 4:29

Bara Ilaidsa bui Guehazí ra win: —Ridi taks, bara kînki ba brih ki bâra man was. Bara ya wal prawma kaka lakula wipara, bara ya lamkula wibia kaka sin lakula daukpara. Bara kînki ba ni tukta pruan ba mawan ra mangkma.

Lawana Nani 105:29

Ai awalka nani laya kata ba yan tala takan, bara inska nani ba sut ikan,

Lawana Nani 78:44

awala ba tala daukan bara baha wina Idsip uplika nani sip diras kan.

Impakan Sturka 4:9

sakuna baha sainka wâl ba wal witin nani kasak mai lukras bara bîlam sin walras kabia kaka, Nilo awalka wina lî wiria bris, bara tasba ra laiks. Bara nan tasba ra laikma ba wal baku, lî ba tala takbia.

Impakan Sturka 7:10

Moses bara Eran wal king fero mawanra wan ba ra, Dawan mita dîa daukbia win ba daukan. Eran ai kînka ba tasba ra lulkan, king fero bara ai uplika tara nani ba sut mawanra, bara wapaika dusa kata ba piuta takan.

Impakan Sturka 7:21

Inska nani sut pruan, bara awala ba bisbaya pali takan, Idsip uplika nani sut baha wina lî diaia sip apia takan. ¡Idsip tasbaya aiska ra tala baman ailal kan!

Impakan Sturka 7:6

Moses bara Eran wal Dawan mita diara nani daukaia adar yaban ba kat daukan.

Abakuk 3:8

¿Dawan, man awala nani mapara kupiam baiwan sa ki? ¿Kabu nani ba mapara lawankam tara briram ki? ¿Bamna man pura luaia dukiara, araskam karnakira nani ba waginka ra ulram ki?

Param Marikanka 8:8

Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,