Impakan Sturka 7:17 - DAWAN BÎLA AISKA

¹⁷ Bahamna, Dawan bila naku wisa: Nanara man kaikma yang sika Dawan sna ba. Naha dusa mihti ra brisna na liura prukamna ba ra, awala laya ba tala baman takbia.

Impakan Sturka 7:17 ပူးပေါင်းရင်းမြစ်များ

1 King Nani 20:28

Bara naha piua ra prapit kum Israel kingka ra balan, bara win: —Dawan ba naku wisa: ‘Siria uplika nani aisin, yang ba il nani gâdka kum sna, sakuna il bîla nani gâdka apia sni; bamna yang naha ailalka tara na sut mihtam ra mangkamna, bara man kaikma yang sika Dawan sna ba.’

2 King Nani 19:19

Bamna nanara, yang nani ra Dawan wan Gâdka, nanara swaki wan sâks karnikam ba ni witin nani mihta ba wina, bara king tasbaya nani sut ba kaikbia man baman Dawan Gâd sma ba.”

Lawana Nani 105:29

Ai awalka nani laya kata ba yan tala takan, bara inska nani ba sut ikan,

Lawana Nani 78:44

awala ba tala daukan bara baha wina Idsip uplika nani sip diras kan.

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 4:9

sakuna baha sainka wâl ba wal witin nani kasak mai lukras bara bîlam sin walras kabia kaka, Nilo awalka wina lî wiria bris, bara tasba ra laiks. Bara nan tasba ra laikma ba wal baku, lî ba tala takbia.

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Impakan Sturka 7:20

Bamna Moses bara Eran wal Dawan mita dîa daukaia win ba, witin nani baha daukan. Eran ai kînka ba king fero bara ai uplika tara nani mawanra bukan, bara awala laya ra prukan, bara lî kata ba sut tala baman takan.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Isikiel 25:17

Saura pali witin nani ra pana munamna, kupi baiwanka wal klala yabamna. Baha piua ra naku daukamna ba ra, ai tânka bribia, yang sika Dawan sna ba.”

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Isikiel 30:19

Yang lika Idsip mapara lâka daukaia ba, daukamna, bara ai dara wali banhbia, yang sika Dawan sna ba.”

Isikiel 30:8

Yabrika kuntrika ba pauta ni angki sauhki tikan kabia bara ya ya tâ baiki ba sut, baku mika ai tânka bri banhbia yang sika Dawan sna ba.

Isikiel 32:15

Idsip ba upla iwras tasbaya daukamna bara kuntri ba bîla man takbia, upla âpu ba ra, ai dara wali banhbia yang sika Dawan sna ba.’

Isikiel 32:6

Tâliam wal tasba ba buskamni, baha wal il tara nani ba kat wabia, bara baha wal awala albangka bîla nani ba aibanhbia.

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Isikiel 39:28

Yang mita blikri alki bri waia nisan tringsar nani tilara, bara yang kli asla daukamna aima wala ra ai tasbaya ra. Kumi sin ai tasbaya wina alki bri wabia apia. Baku mika ai dara walbia, yang sika ai Dawan Gâdka sna ba.

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 5:21

Upla nani tila wina sakan bara daiwan baku takan, biriku wail nani wal baku takan, bîp nani baku twi pin bara diwas laya ba ai taya purara buski kan; baha piua kat witin kaikan, Gâd Laih Purara ba naha tasba kingka nani sut purkara karnika brisa, bara witin bui yaura king lâka yaia ba yabi kan.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.

Param Marikanka 8:8

Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,