Impakan Sturka 7:11 - DAWAN BÎLA AISKA

¹¹ Bara king fero ai uplika sinskira tara bara sukia nani ba sut paiwi bri balan, bara baha nani sin Eran daukan ba baku daukata.

Impakan Sturka 7:11 ပူးပေါင်းရင်းမြစ်များ

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

Impakan Sturka 7:12

Witin nani kumi bani ai kînka ba tasba ra lulkan, bara kînka nani ba piuta takan. Sakuna Eran kînka ba mita, sinskira nani, king fero sukika banhwi ba kînka nani ba ra sut langki pin.

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 8:18

Nanara sukia nani ba sim sât dauki, tairi nani sakaia trai munan, sakuna sip diara bal takras kan. Sakuna tairi nani ba upla daiwan nani ra sami iki lap tiki kan.

Impakan Sturka 8:3

Nilo awala laya ba lukwi, baha wina pikpik baman banhki takbia. Pikpik nani ba baha wina taki, king watla ra bal dimbia, rumkam nani ra sin dimbia, krikrikam nani ra ulbia, uplikam tara nani watla nani ra sin dimbia, upla wala nani watla ra, baku sin britkam angkaika nani ra dimbia.

Impakan Sturka 8:7

Ban sakuna, Idsip sukika nani mita sin Eran daukata baku daukan, witin nani diara aihka daukaia sinska bri ba wal. Bara witin nani mita sin pikpik nani Idsip tasbaya purara bri balan.

Daniel 2:2

Bara witin bui âiulbra nani, smaya kakaira nani, sukia nani, sinskira nani sin paiwan, baha yaprisauhkanka tânka witin ra wibia dukiara. Witin nani wan king mawanra bûi banhwan,

Daniel 2:27

Daniel pana win: —Upla sinskira kumi sin âpu sa, âiulbra kra, smaya kaiki ba sapa, sukia, slilma tânka plaplikra sapa, man king tara baha yaprisauhkankam kaikram ba tânka nani sut mai wiaia.

Daniel 4:6

Bamna adar yabri, Babilon aiska ra sinskira nani sut ba yang ra balaia, bara yaprikisauhkan tânka ba ai wiaia.

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Daniel 5:7

Ningkara ai bîla baikra tara winan, diara kakaira nani, sins lâka kakaira nani, bara slilma tânka plaplikra nani Babilon ra banhwi ba sut paiwaia, bara witin nani ra win: —Bahara ulban ba ya aisi kaiki bara tânka saki ai wibia ba, kwalka balianta ba yaka dimbia, ai nana ra gul ni paskan sînka kum bri kabia bara yang, king aimakisna ba iwaika ra, karnika yumhpika ba witin alki kabia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Galesha 3:1

¡Galesha uplika nani, tanis nani! ¿Ani sukika pali ba kupiam yabaki alkan? Yang nani smalkanki ba ni man nani namkra kat, Jisas Kraist dus prihni ra saban ba mamrikatna.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

2 Tesalonaika 2:9

Baha saurakira balaia ba lika, Sitan hilpka wal balbia, bara karnika tara wal balbia, sain nani, diara aihkakira kunin sâtka nani wal sin.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

2 Timoti 3:9

Sakuna baha nani ban piu wihka lika dauki kabia apia, kan upla sut kaikbia witin nani ba sins âpu nani sa, sim baha uplika wâl Moses mapara buan nani ba baku.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

1 Samuil 6:2

Bara filisteo nani bui ai prîska nani bara diara tânka kakaira nani sut paiwan, witin nani ra makabi walaia: —¿Yang nani dîa daukamna Gâd lâka auhbaika watla ba wal? Wan wis, nahki dauki kli watlika ra bri si swiaia.