Impakan Sturka 4:23 - DAWAN BÎLA AISKA

²³ Bara yang pat mai wîri luhpi ba swis taki wabia, bara witin nani bui yang ra maiyuni warkki daukbia; ban sakuna, man bui witin ba swirka taki waia apia lukisma bamna, yang bui man luhpiam waitna tamwahkia ba ikaisna.’

Impakan Sturka 4:23 ပူးပေါင်းရင်းမြစ်များ

Lawana Nani 105:36

¡Idsip ra sin prura blikan, Idsip taika tilara luhpia tawahkia nani sut pruan!

Lawana Nani 135:8

Witin sika Idsip luhpia tawahkia nani ikan upla bara daiwan tawahkia nani sin sut.

Lawana Nani 136:10

Witin sika, Idsip watla uplika tawahkia nani ra ikan ba kan witin ai latwanka lâka ban kaia ra ban sa bamna.

Lawana Nani 78:51

¡Idsip ra yaban prui tiwan taika bara luhpia tawahkia nani ba!

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 10:4

Upliki nani ba swirka waras ban maipara buisma kaka, yang yauhka pali tasbayam purara kruhkru tara nani blikamni.

Impakan Sturka 11:5

bara Idsip uplika nani watla bîla bani ra luhpia waitna tawahkia ba pruan kabia. King fero luhpia tawahkia king iwaika ra iwi ba wina, ban albika mairin aya akbaika ra wark taki ba, luhpia tawahkia nani ba sut, baku sin daiwan nani tawahkia ba sin pruan kabia.

Impakan Sturka 12:29

Tihmia lilapas ra, Dawan mita Idsip uplika nani luhpia tawahkia kumi bani ba ikan, baku sin king fero luhpia tawahkia, king iwaika ra kan ba, silak ra mangkan nani kan ba luhpia tawahkia kat sut pruan, baku sin daiwan lupia nani tawahkia kat sin sut pruan.

Impakan Sturka 13:15

King fero ai kupia karna dauki, yang nani ba ai swika taki waia apia dauki kan, bara Dawan mita witin nani bani, luhpia tawahkia nani ba ikan. Baku sin ai daiwra luhpia wainhka tawahkia nani ba sin ikan; bahamna sika yang nani wan daiwra nani luhpia tawahkia wainhka nani bani ba ni Dawan ra yabisna; bara wan luhpia waitna tawahkia nani ba pura mana ba lika Dawan ra prisant kum yabi atki saki banhwisna.

Impakan Sturka 18:8

Bahara, Moses mita ai dapna ra diara sut takan ba win. Dawan mita Israel luhpia nani tâwan king fero ra bara Idsip uplika nani ra sin dîa munan ba, bara yabal ra trabil nani manis brisata ba, bara Dawan sin nahki natka ra witin nani ra swaki sakata ba sin sut win.

Impakan Sturka 3:18

Tâ uplika nani bîlam walbia; bara man lika witin nani aikuki Idsip kingka ra mawanra wama, bara wima: ‘Dawan, Hibru nani Gâdka ba yang nani ra bal takan sa. Bamna aik yang nani yu yumhpa upla iwras tasbaya ra wapamna, bahara yang nani Dawan wan Gâdka ra sakripais dauki yaia.’

Impakan Sturka 5:1

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Impakan Sturka 6:11

—King fero ra wih wis Israel luhpia nani ba swika Idsip wina mahka taki wabia.

Impakan Sturka 7:16

Bahara man bui witin ra wima: ‘Dawan Hibru nani Gâdka ba ai blikan mai wiaia: Upliki nani ba swis taki wabia, upla iwras tasbaya ra yang ra mayunra aikaia. Ban sakuna, nanara kat man kau ban kupiam karna, sip sturi walras sma.

Impakan Sturka 8:1

Dawan bui Moses ra win: —Man king fero ba wih kaiks bara witin ra wis: ‘Dawan ba naku wisa: Swis yang upliki nani ba taki wabia bara yang nini mayunbia.

Impakan Sturka 8:16

Dawan bui Moses ra win: —Eran ra wis ai kînka ba wal tasba ra prukbia, bara Idsip tasbaya aiska ra tasba puknika nani ba wina tairi nani baman takbia.

Impakan Sturka 8:17

Bamna Eran ai kînka ba ni tasba ra prukan, bara tasba puknika nani ba wina tairi nani baman bal takan Idsip tasbaya aiska ra, bamna upla ra bara daiwan nani sut ra sami kan.

Impakan Sturka 8:20

Dawan bui Moses ra win: —Yauhka titan king ba awala ra auya, bahamna man sin titan pali bûi awala ra was, bara witin ra wis: ‘Dawan wisa: Upliki nani ba swis wabia, witin nani ba yang ra ai pura suni maiyunbia.

Impakan Sturka 9:1

Bamna Dawan bui Moses ra win: —King fero ra was bara wis: ‘Dawan Hibru nani Gâdka ba, naku wisa: Upliki nani ba swis taki wabia, bara yang nini mayunbia.

Impakan Sturka 9:13

Bamna Dawan bui Moses ra win: —Bus yauhka titan pali bara king fero mawanra was, bara witin ra wis: ‘Dawan Hibru nani Gâdka ba naku wisa: Upliki nani ba swis wabia bara yang nini mayunbia.

Impakan Sturka 9:2

Man bui witin nani ba swirka taki waras ban alki takaski brisma kaka,

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.