Impakan Sturka 4:12 - DAWAN BÎLA AISKA

¹² Bamna was, yang lika man wal kamna aisisma piua ra, bara mai smalkamna dîa aisaia sma ba sin.

Impakan Sturka 4:12 ပူးပေါင်းရင်းမြစ်များ

Lawana Nani 105:26

Bara ai napakanka Moses ba blikan, Eran, witin ba bâk saki brin uplika ba sin;

Lawana Nani 143:10

Ai smalks man kupiam lâka daukaia, kan man sika, yang Gâdki sma bamna. ¡Man Spiritkam yamni ba tâi bri wabia, yabal yamni kum bâk!

Lawana Nani 32:9

Man nani aras baku, apia kaka muyul baku kapara, kan daiwan nani diara tânka sip briras sa; kakma ra kiwa wilki, apia kaka un ba wilki aubaia, baku wilki aubras sma kaka, sip yabal ra aimakbia apia.”

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 4:13

Sakuna Moses kau ban tuswi aisin: —¡Ay, Dawan, mamkabisna, pliskam, upla wala kum blîks!

Impakan Sturka 4:15

Witin wal aisas, man dîa aisaia brisma ba sut witin ra pain wis, yang lika witin wal bara man wal sin kamna, witin wal sin aisi banhwisma piua ra, bara dîa daukaia sma ba sut yang mai smalki kamna.

Impakan Sturka 4:16

Man mita Eran ra aisi kama yang pali mita mai aisisna ba baku, bara Eran mita tawi upla nani ra aisi kabia man mita dîa wisma ba.

Aiseya 49:2

Bara yang twisi ba sord malira baku mangkan, ai mihta distika ni ai bikan; bara trisba lipni baku ai daukan, trisba watla ra ai mangki main ai kaikan.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Jirimaya 1:9

Bara Dawan ai mihta sakbi uni ra kangbi bara ai win:

Kulki Kaikanka 16:28

Bara Moses kau ban aisi, win: —Naha diara nani daukma na wal, mamrikan ai daukisa, Dawan mita ai blikan sa, naha warkka na daukaia, yang brinki kat diara daukras sna ba tânka.

Mark 13:11

Bara man nani wihta nani mihta ra mai brih wabia ba ra, dîa aisaia sma ba dukiara lika lukpara. Man nani lika Gâd mita baha piua ra dîa aisaia maikbia ba kat aisas, kan Spirit Holikira sika aisabia, man nani lika apia.

Luk 11:1

Yu kumi Jisas plis kum ra ai pura suni kan. Witin ai pura suni luan ba ra, disaipil nani ba tila wina kum mita naku win: —Dawan, pura sunaia wan smalks, Jan ai disaipilka nani ra smalkan ba baku.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Kli Smalkanka 18:18

Yang yarka witin nani ai uplika tila wina prapit kum takbia man baku, bara yang dîa wiaia adar yabamna ba baha ba witin aisi kabia, wibia bara kli sin wiaia.