Impakan Sturka 32:4 - DAWAN BÎLA AISKA

⁴ bamna witin gul nani ba brin, bara slilki muni baha ni bîp wainhka lupia lilka kum paskan, bara sut mita aisi, win: —¡Israel, naha sika man nani dawankam, Idsip tasbaya wina mai sakan ba!

Impakan Sturka 32:4 ပူးပေါင်းရင်းမြစ်များ

1 King Nani 12:28

Bara aisinka kum daukan ba ningkara, king ba bui gul ni bîp lilka wâl daukan, bara upla nani ra win: “Man nani uya pali Jerusalem ra impaki wisma. Kaiks nâra sa man nani gâdkam nani ba, witin nani bui sika Idsip wina mai saki brih balan ba.”

1 King Nani 12:32

Baha purkara, witin bui lilia tara piua kum mangkan kati 8 aimaki yua 15 ra, lilia tara Juda ra lilia tara dauki ba baku daukaia, bara king pali bui altarka purara sakripais nani daukan. Naha lika Betel ra daukan, bîp lilka nani paskan ba ra sakripais nani yabi, bara prîs nani sin ai warkka ra mangkan idan pura sunra pliska nani paskan ba dukiara.

2 King Nani 10:20

Baha mita, Jehú adar yaban lilia yua kum Baal ra daukaia, bara baku daukan kata.

2 King Nani 10:29

Baha sut daukan, sakuna Jehú ba Jeroboam, Nabat luhpia waitna saurka kata ba wina tnaya ra tawras kan, bara Israel ra yaban saurka bara bîp lilka gul wal daukan kata ba Betel bara Dan wal ra bahara mayuni kan.

2 Kronikas 11:15

Jeroboam ba ai prîska nani mangkan kata, baha ba gâd nani tempelka nani ra, pirit saura ra pura sunaia, bara lilka nani paskan ra sin ai pura sunaia, upla ai mihta wal paskan ba.

2 Kronikas 13:8

Bara nanara man nani Debit kiamka nani wark dauki bâk Dawan ai warkka dauki ba mapara buaia trai kaikisma, kan man nani kau ailal sma ba mita, bara Jeroboam sin gul ni bîp nani paski gâdkam nani maikan brisma ba mita.

Nihimaya 9:18

Ba purkara witin nani sin lilka bahki, bîp kum lilka paskan bara win baha sika witin nani gâdka Idsip wina sakan ba, bara naha wal diara yamni apia nani daukan,

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 20:4

“Aidul nani kumi sin dauki bripara, diara nani kasbrika purara bâra ba lilka sin apia, diara nani tasba ra bâra ba lilka, diara nani kabu ra bâra ba, baku sin kabu mununhtara bâra nani ba lilka sin apia.

Impakan Sturka 28:11

Nina nani walpa ra ulbaia ba, gul ni ulbaia sa. Bara diara papaskra kum ra yas, sîl ra ulbi ba baku ulbia. Baha ningkara, pahpaya ra kahbi swiaia kwalka paskma; baha sin gul ni daukma, ningkara lama prakaika awa ba ra wilkma.

Impakan Sturka 28:9

“Bara walpa sangni ba wâl bris, bara bahara Israel luhpia 12 nani nina ba uls.

Impakan Sturka 32:1

Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

Impakan Sturka 32:24

Yang bui witin nani ra wîri: ‘Ya gul bri ba sut tnaya ra lakbia.’ Witin nani sut baku dauki mihti ra mangkan, bara yang baha nani sut ba pauta ra mangkri bara naha bîp lupia lilka na bal takan.

Impakan Sturka 32:3

Bara upla nani sut ai kiama ra gul kiama lula nani bri kan ba, bri sal Eran ra yan,

Impakan Sturka 32:35

Bara Dawan mita witin nani purara klala kum blikan, Eran gul ni bîp lupia paskan ba ra mayunan ba tâwan.

Impakan Sturka 32:5

Eran baha kaiki, bîp lupia lilka ba mawan kat altar kum paskan bara karna aisi, naku win: —Yauhka yawan bui Dawan ra pain kulki lilia tara daukbia.

Impakan Sturka 32:7

Bara Dawan bui Moses ra win: —Man mahka mâyara was, man uplikam nani Idsip tasbaya wina sakram ba, witin nani saura daukisa.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 46:6

Upla nani tila bâra sa ai pakitka wina gul ailal saki ba bara silbar paun ra mangki kaiki ba; ningkara ai mihta ni diara papaskra kum ra yan gâd bahki kum paskaia, witin ra ai lula kriki bara mayunaia.

Isikiel 23:8

Idsip ra kan wina rug mairin takan, bara sip swiras kan ai natka ba. Tiara kan wina ailal pali, witin wal prawan bara sunu kan lâka ba tikan.

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Oseas 13:2

¡Bara witin takaskras ban saura daukisa! Ai silbarka ba slilki aidul nani paski brisa, baha papaskra nani, nahki paskaia aitani luki ba kat paskisa. Paskan ba ningkara aisisa: “¡Man nani bui witin ra sakripais dauki yas!”, bara upla nani ba baha aidulka nani bîp baku paskan ba ra kiawalisa.

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

Apastil Nani Sturka 7:41

Bamna witin nani mita bîp lilka kum daukan, daiwan nani sin ikan baha lilka ra sakripais daukaia. Witin nani sin uya lilia pali taki banhwan, baha ai mihta ni lilka daukan ba dukiara.

1 Korint 10:7

Baha mita, man nani aidul nani ra puram suni mayunpara, witin nani wina tila nani daukan ba baku, Ulbanka ra wi ba baku: “Upla nani ba plun piaia bara diara diaia iwan, bara baha ningkara dans pulan.”

Kli Smalkanka 9:16

Kuna witin kaikan, man nani bui Dawan mapara saura daukram, bras slilki, bîp kum lilka paski dauki banhram, Dawan yabalka nina blikaia adarka maikan kan ba lulki swiram,

Wihta Nani 8:24

Yang bui man nani ra mamkabisna ba lika, wan waihla suldiar nani wina gul mihtadingka nani man dakbi briram ba, yang ra aikma. Witin nani gul matadingka nani bri kan ba sika suldiar waihla nani yus muni kan, uplika nani ba lika upla iwras tasbaya uplika kan bamna.

Wihta Nani 8:27

Baha gulka nani ba Gedeón brih, prîs prâka ‘‘efod’’ paskan, bara witin ai tawanka Ofrá ra bri si, watla kum dauki baha bilara mangki swin, upla sut kaiki kaia. Bara Israel luhpia nani sut baha aidulka ra kaiki ai pura sunan, bara Dawan ra lika ai pura sunras kan. Bara baha ba Gedeón bara witin ai watla bilara ai luhpia nani sut mapa ra, mina alkaika kum takan.