Impakan Sturka 3:8 - DAWAN BÎLA AISKA

⁸ Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 3:8 ပူးပေါင်းရင်းမြစ်များ

Blasi Sturka 11:5

Sakuna Dawan bal iwan, baha tawanka tara ra utla karnakira purara pali upla nani mita mâki kan ba kaikaia.

Blasi Sturka 11:7

Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 15:14

Ban sakuna, baha nisanka witin nani ra alba bribia ba, witin nani ra sin yang mita klala yabamna. Baha ningkara kiamkam nani ba diara ailal dawanka aimaki, yuyakira taki bara baha wina pri taki mahka wabia.

Blasi Sturka 18:21

Bamna yang nanara bahara auna, ai win ba baku saurka nani ba, ban tara sa sapa yang wih kaikamna. Baku lika yang tânka brimna.

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Blasi Sturka 46:4

Man wal Idsip ra wamni, bara yang mita kli man kiamkam ba, Idsip wina bri sal sakamna. Baha purkara man pruma ba ra, Josep man lamamra bâra kabia.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

1 Kronikas 1:15

heveo nani, araceo nani, sineo nani,

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 12:6

Dawan pramis aisin bîla nani ba sunu sa; ¡silbar tâski âpu pali ba purkara, silbar 7 taim kiskan ba baku!

Lawana Nani 34:8

Man nani, Dawan tânka ba kaiks pain sa bara tânka brima. ¡Lilia pali sa baha uplika, Dawan kat ai yukuwaika kulki ba!

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 12:51

Bara baha yua ra sika Dawan mita Israel uplika aiklaklabra daknika nani ba, sut Idsip tasbaya wina brih sakan ba.

Impakan Sturka 13:5

bamna naha katka ra man nani baha yua liliaka ba dauki kaia sma. Dawan mita baha tasbaya ra mai bri wabia, bahara tialka laya bara nasma wal lî laiwi baku ba. Baha tasbaya ra sika Kenan uplika nani, hitita nani, amorreo nani, heveo nani bara Jebús uplika nani iwi ba. Damikam nani ra pat win kan, baha ba man nani ra maikaia.

Impakan Sturka 3:17

Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Impakan Sturka 5:23

Yang nahara bal man ninam brih king fero mawanra aisari ba piua wina, witin bui man uplikam nani ra kau saura munisa, sakuna man lika diara kumi sin daukras witin nani ba swaki sakaia.

Aiseya 36:17

Ani yua ra yang bal muni, tasba kum man tasbayam na sâtka ra mai brih wamna, plawar mâ bara wain nani tasbaya ra, brit bara wain nasla nani ra.’

Aiseya 64:1

Âu, man kasbrika pura ba param saki bâra bal iwram kata, bara man mamwanra, il nani ba yabram tatatwisa,

Jirimaya 11:5

Man nani bîli walma kaka, damikam nani ra swer taki aisari ba kat daukamna, tasba kum witin nani ra yabaia wîri ba, baha tasbaya sika nanara witin nani bri ba bahara tialka laya nasma wal lî baku aubisa.” Bara yang pana wîri: “Âu, Dawan.”

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 32:22

Bîp tialka laya nasma lî baku laiwi tasbaya na man bui Israel ra yabram, man baku daukaia ai damika nani ra wiram ba baku daukram.

Isikiel 20:6

Baha yua yang pramis takri Idsip wina sakaia bara brih waia kuntri kum yang pali sakri kan ra, baha pliska ra nasma bara tiala laya lî baku plapi ra, ¡kuntri kau pranakira sut wal!

Libait Lâka 20:24

Naha kuntrika na yang bui man nani ra maikaia wîri, bamna nanara yang tasbaya na maikamna man nani brima, tialka laya bara nasma sin baha tasbaya ra lî aubi baku sa. “Yang sika man nani Dawan Gâdkam, tawan wala nani wina aihka mai sakri ba.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Kulki Kaikanka 13:18

Bara baha wina tasba ba laki kaiks, bahara iwi uplika nani ba sin, uplika nani ba swapni sa sapa, apia kaka karna sa sapa, wiria, apia kaka ailal sa sapa.

Kulki Kaikanka 13:19

Utla nani mâkanka ba nahki sa, karna sa sapa, tint watla sa sapa, tasba pain ra iwisa, apia kaka tasba saura ra sapa laki kaiks,

Kulki Kaikanka 13:27

Bara witin nani bui Moses ra win: —Ai blikram tialka laya nasma wal lî laiwi baku ba tasbaya ra, bara naha sika baha dusa mâ nani ba.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Kli Smalkanka 1:25

Bara baha tasba wina dus mâ nani sakan ba, yang nani ra bri balan, tasbaya tânka sin wan win: ‘Dawan Gâd yawan ra tasba wankuya tasbaya ba painkira sa.’

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 27:3

Yang dîa mai smalkri ba bahara sut ulbi mangks. Dawan Gâdkam mita damiki nani ra yabaia win tasbaya ba wina tialka laya bara nasma wal lî baku aubi ba ra dimma piua ra dauks.

Kli Smalkanka 28:11

Dawan mita luhpa nani ailal maikbia bara ai kupia pihni lâka mamrikbia. Daiwan ailal maikka sauhma, plun mâ nani sin ailal tasba wina sâkma, damikam nani ra yabia win kan ba.

Kli Smalkanka 6:3

Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.

Kli Smalkanka 7:1

“Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Jasua 5:6

Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.

Jasua 9:1

Hitita nani, amorreo nani, Kenan uplika nani, ferezeo nani, heveo nani bara Jebús uplika nani kingka nani ba, diara nani taki luan sturka ba walan. Baha kingka nani ba Jordan awala muna tani ra, il nani tilara, twi langnika ra bara Mediterráneo kabuka lamara iwi tasbaya aiska ra bâra ban Líbano tasbaya nani sut ra iwi kan.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?