Impakan Sturka 3:2 - DAWAN BÎLA AISKA

² Bahara Dawan insalka kum witin ra latan takan pauta buki klauhi baku, kiaya dusa kum tilara. Moses aman pali kaikan kiaya dusa ba buki amisa sapa, sakuna amras sa.

Impakan Sturka 3:2 ပူးပေါင်းရင်းမြစ်များ

Blasi Sturka 21:17

Tukta ini kan bîla baikra ba Gâd walan; bara Gâd insalka kasbrika pura wina Agar ra aisin, bara win: “Agar, ¿man dîa pâtka brisma? ¡Si bripara! Tukta inanka ba Gâd walan, bara witin sin ani kat bâra ba sin kaikisa.

Blasi Sturka 22:11

Dawan insalka ba kasbrika pura wina witin ra winan: —¡Ebraham! ¡Ebraham! Witin pana win: —Yang nâra sna.

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Lawana Nani 66:12

Wan swiram ya ya bui ai mina ni wan taibaia, yawan lî bâk bara pauta bâk luan, sakuna baha, ningkara wan wingka puhbaia wankram.

Impakan Sturka 19:18

Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Impakan Sturka 23:20

“Kaiks, yang insalki man nani tâmra blikamni kainam kaiki kaia ba dukiara, bara baha tasbaya man nani dukiamra ridi sakri ba kat mai bri wabia.

Impakan Sturka 24:17

Bara il banhta pali ba kat Dawan prana ba, Israel luhpia nani nakra ra latan takan, pauta lakni diara sauhki tatikra buki klauhi ba baku.

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Daniel 3:27

baha kuntri ra karnika alki nani bâra kan ba sut naha wahma yumhpa lamara aidrubi balan, baha nani wîna tara ba pauta ba diara munras kan, bara tânka pliki kaikan tâwa mina kumi sin amras kan, ai prâka nani ba sin amras kan, baha purkara pauta aman kîa sin taya ra âpu kan.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Mark 12:26

Sakuna pruan nani buaia ba dukiara, ¿man nani Moses wauhkataya ra aisi kaikram ki, nahki witin ra kiaya dusa klauhi kan wina aisin ba baku? Witin ra naku win: ‘Yang sika Ebraham, Aisak, Jekob Gâdka.’

Luk 20:37

Pruan wina kli buaia dukiara, Moses pali mita sin kiaya dusa sturka ba ni latan wan marikan sa. Bahara wan wisa, nahki Dawan Gâd ba Ebraham, Aisak bara Jekob Gâdka sa.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Kli Smalkanka 33:16

plun mâ kau pain nani ba ni tasbaya ba banhbia, kupia yamni lâka ba, rahra tilara iwi ba wina bal takbia. Baha sut Josep purara balbia, witin ra sika muihnika nani tila wina bâk sakata ba.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

Wihta Nani 13:13

Dawan insalka ba witin ra win: —Yang bui man mayam ra pat wîri man nani dîa daukaia sma ba, bara man nani baha kat dauks: