Impakan Sturka 27:2 - DAWAN BÎLA AISKA

² Bara altar tâ kumi bani ba ra aringka walhwal dauks, baha nani lika altar wal pîs kumi paski daukaia, bara altar ba bras ni lalaubi dauks.

Impakan Sturka 27:2 ပူးပေါင်းရင်းမြစ်များ

1 King Nani 1:50

Baha purkara, Adonías Salaman mawan sibrinka bri witin mahka taki Dawan tintka watla ra wih altar ra aringka nani tilara yukuwan.

1 King Nani 2:28

Bara diara takan ba sturka Joab ra balan, kan Joab lika Adonías daukanka ba pain kulkan, sakuna Absalón daukanka ba saura kulkan. Bara Joab Dawan tintka watla ra plapi wih, altar ra bîp aringka nani ba tnaya ra yukuwan.

1 King Nani 8:64

Baha pali piua ra, king bui kutbanka painkira tempel lilapas kan ba, baha ba Dawan watla ba mawan tani ra kata ba Dawan mihta ra mangkan. Bahara aiska angkan sakripaiska nani daukan, plun mâ nani prisantka, daiwan batanka ba, kli wal uplika takaia natka nani ba sin. Kan bras altarka Dawan kaiki ba sirpi kan, bahara sip aiska angkaia sakripaiska ba, plun mâ nani prisantka ba, daiwan batanira angki daukaia, kli wal uplika takaia sakripais nani ba alkras kan.

2 King Nani 16:14

Bara baha bras altarka Dawan tempelka mawan kat kan ba lika, Ahaz bui saki altar ba yahbra tani ra mangkan, bara nanara Dawan altarka raya ba bara tempel ba lila kat kan.

2 Kronikas 4:1

Baha purkara altar kum bras ni daukan, 30 pît bîla yahpika, 10 pît yarika, 15 pît pura tani.

Lawana Nani 118:27

¡Dawan ba Gâd sa, witin yawan ra ingni wankisa! Lilia nani ba dauks, dus wahia nani ba bris altar aringka nani ba ra wapi taws.

Impakan Sturka 27:3

Diara altar ra yus muni kaia dukia ba sut bras ni baman daukan kabia, yamhpus auhbaika ba, yamhpus sakaika ba, kapka tara nani ba, diara sabi alkaika alhnikira ba, masku nani auhbaika nani sut ba, bras ni paskan kabia.

Impakan Sturka 29:12

Bara bîpka tâlia ba ai mihta tâura buski, altar aringka nani ba yûkbia, baha ningkara lama kir tala ba laikbia.

Impakan Sturka 38:30

Baha braska nani ni, tint watla durka playka nani ba paskan: Altar ba, yamhpus yakawaika ba bara watlika nani altar ra yus muni nani ba sut.

Isikiel 43:15

Pura tani sakripais angki pliska ba, 7 pît bri kan. Aringka walhwal bri kan, pura tani ra baiwi taki kan.

Libait Lâka 16:18

Baha wina witin bal takbia, altar Dawan lamara witin kaiki ba altarka ra waia. Witin bîp tâlia ba ai mihta ra wirâ bribia, guts tâlia ba wina sin, bara altar ba tala ni yûkbia, aringka nani baku paskan ba sin sunu daukaia dukiara yûkbia tala ba.

Libait Lâka 4:18

Baha ningkara altar aringka nani ba ra sin, tala ba ni wirâ yûkbia Dawan kaiki ba ra, baha ba Dawan wal aisaia Tintka watla ba bilara daukbia. Bara tala kau ailal yus munras ba, baha bri si daiwan aiska wîna batanka nani ba saki angki ba, altarka ba lamara laikbia, Dawan wal aisaia tint watla ra dimaia ba bilara.

Libait Lâka 4:25

Baha ningkara prîs ba bal, daiwra ikan tâlia ba wina ai mihta sirpika tâura buski brih, kîa yamni dauki angkaia altarka aringka nani ba ra yûkbia. Baha wina tâlia ba sut, altar ba lamara laikbia,

Libait Lâka 4:7

Kîa pain daukaia altarka aringka nani ba ra sin tala ba ni wirâ yûkbia, tint watla ra upla nani buaika ba ra, Dawan kaiki ba lamara, tala kau aihkika laikras swin ba, baha ni altarka ba lamara laikbia, tint watla ra dimaika durka bilara bâra ba.

Libait Lâka 8:15

Bara Moses bal bîpka wainhka lupia ba skiru ni sabi ikan, bara tâlia ba ai mihta sirpika nani ra buski bara altar ra aringka nani ba ra yuki, altar ba tâski âpu sunu daukan. Bara tâlia ba altar lamara laikan, bara baku altar ba sin, Dawan yamnika yaban bahara wan saurka swin tikan sakripaiska ba dauki bara yamnika briaia.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Kulki Kaikanka 3:31

Baha nani main kaiki kan: lâ auhbaia watla ba, tibilka ba, kiandil bapi angkaia dusa ba, altar nani ba, diara wala nani wark daukaia yus muni ba, kwala paman nani ba bara diara watla nani ba sut.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.