Impakan Sturka 22:1 - DAWAN BÎLA AISKA

¹ “Upla kum bîp wainhka kum, apia kaka sîp kum implikan kaka, bara ikan, apia kaka upla ra atkan wan kaka, witin baha bîp wainhka ba mana bîp wainhka wala nani matsip aibapan kaia sa, bara sîp ba mana, sîp walhwal aibapan kaia sa.

Impakan Sturka 22:1 ပူးပေါင်းရင်းမြစ်များ

2 Samuil 12:6

¡Bara baha sîpka lupia mana kulkan ba, aima walhwal aibapaia sa, witin umpira kaikan lâka luha baku daukan ba mana!

Impakan Sturka 21:36

Kuna bîp dawanka ba pat kaiki kan kaka ai bîpka ba upla bîpka ra sabi âikra sa, kuna witin ba dukiara lukras kan, witin mita bîp pruan ba dawanka ra bîp wainhka raya kum yaia sa, bîpka pruan ba mana. Bara bîpka pruan ba lika witin ai dukia kabia.

Sins Lâka 14:4

Wark bîpka nani âpu ba ra, plun watla ba bîla man sa; sakuna bîp karnika mita plun uya sakisa.

Sins Lâka 6:31

ban kra impliki kaka dara walras alkbia kaka, aima 7 taim kli implikan dukia ba yabia bara kau yabaia kabia diara sut bri ba wina.

Jirimaya 2:34

Upla umpira pâtkas nani tâlia prâmka ra alkan sa, baha uplika nani ba diara saura dauki kan man tayahkras kapram.

Isikiel 33:15

bara kli laki yabia dîa brin nani ba, apia kaka dîa implikan nani ba, bara dîa rayaka lâka yabi ba daukbia, bara swibia saura daukaia lâka ba; kasak pali raya kabia, prubia apia.

Kulki Kaikanka 5:7

Bamna baha uplika saura daukan ba ai dahra sâkbia, bara aibapaia sa. Bamna witin ya mapara saura daukan, diara sauhkan ba mana ba kulki saki, kau baha purara kli mânka matsip ba pura praki, bara yaka baha sut uplika ba ra aibapbia.

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.