Impakan Sturka 21:2 - DAWAN BÎLA AISKA

² “Alba kum atki brisma kaka, bara witin ba Hibru uplika sa kaka, witin lika mani matlalkahbi ba bilara wark taki kaia sa. Kuna 7 mani alkbia ba ra witin ba pri takan kaia sa. Witin pri takuya ba dukiara sin diara aibapaia apia sa.

Impakan Sturka 21:2 ပူးပေါင်းရင်းမြစ်များ

Blasi Sturka 27:28

Bamna Dawan diwas laya kasbrika pura wina maikbia, tasba wina mâ kau yamni nani ba ailal, plawar, wain mâ ailal,

Blasi Sturka 27:36

Isau pana aisin: —¡Bahamna ai nina ba baku pain mâkan ba, Jekob, witin naha kat pat aima wâl yang mini alkaika ba mangkisa! Tawahkia kulkanka ba yang wina pat ai dakbi brin, bara kaiks nanara yamnikam yang briaia katna ba witin ai dakbi brin. ¿Yamnika wala kum kau yang dukira apahki briras sma ki?

2 King Nani 4:1

Mairin kum bâra kan, witin ba prapit nani kan ba tila wina kum maya, bara witin prapit Ilaidsa ra wan, bara naku ini aisi, win: —Yang mayi waitna ba pruan, bara man nu sma mayi ba Dawan ra lalukra kan. Bara nanara lalah lin mamunra kum balan, yang luhpi wâl ba alki ai albika briaia wisi.

Nihimaya 5:8

Bara witin nani ra naku wîri: “Yang nani nahki sip katna ba kat wan muihni Ju nani ba swaki sakaia daukri, upla sât wala nani ra atkan kan ba mihta wina; ¿bara nanara man nani mita kli muihkam nani ba alba kaia atkisma, bara yang nani bui witin nani ba atki pri sakaia sna ki?” Bara baku witin nani ai bîla praki sâp banhwi kan, diara kumi sin aisaia âpu kan.

Impakan Sturka 12:44

Sakuna lalah ni atki brin albika nani ba, witin nani pat Aisa sainka mangkan sa kaka, baha nani lika wîna sakripais daukan ba piaia sip sa.

Impakan Sturka 21:3

Witin yakan balan sa kaka, kli yakan tawi waia sa; witin ai maya bri kan kaka, ai maya sin witin wal waia sa.

Impakan Sturka 21:7

“Upla kum kra ai luhpia mairin alba lâka ra atkan auya sa kaka, baha luhpia mairin lika pri takan kaia apia sa, alba waitna nani taki ba baku.

Impakan Sturka 22:3

Ban sakuna, pat yu baiwan kan witin ra ikan kaka, baku lika witin pruanka ba upla mita ikan saurka baku kulkan kaia sa. “Witinka impliki ba witin ai mana dîa aibapaia sa, kan witin lalah âpu kaka, âimplikra ba atkaia sa, implikan ba mana aibapaia dukiara.

Libait Lâka 25:54

“Naha lâka nani dauki uplika nani ba pri sakan lâka yaras kabia kaka, pri swiaia manka ba alkbia taim, pri swibia witin ai luhpia nani sut aikuki,

Matiu 18:25

Wark uplika ba aibapaia lalah âpu kan, bara king ba mita adar yan witin ba alba baku upla ra atkbia, ai maya, ai luhpia nani, dîa dîa bri ba sut kira, ai traska bri kan ba aibapaia dukiara.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

Kli Smalkanka 15:1

“Tras nani maikaia ba, 7 mani alkbia taim swis tiwbia.

Kli Smalkanka 15:18

Saura lukpara man albikam ra pri swirka waia, kan witin 6 mani warkkam takan; wark uplika ai mana bakriki praiska man aibapaia kapram ba, witin hilp mai munan sa. Baha purkara, diara sut dauki kama ba Dawan Gâdkam yamni mai munbia.

Kli Smalkanka 31:10

naha lâka nani sin yaban: “Mani 7 bani, traska ban swih tikaia lâka daukbia, baha piua ra Utla Papakni liliaka dauki piua ra,