Impakan Sturka 2:6 - DAWAN BÎLA AISKA

⁶ King fero luhpia mairin bui baskit pura ba bukutban bara kaikan bilara tuktan waitna lupia kum inisa, bara witin ai kupia ra latwan pali kaikan bara win: —Naha na Hibru nani bibika kum sa.

Impakan Sturka 2:6 ပူးပေါင်းရင်းမြစ်များ

1 King Nani 8:50

Bara man uplikam nani mampara saura daukan pâtka ba swih tiks, mampara bûi kupiam sauhkanka daukan ba sut ban swih tikma, bara priski brih wan nani ba bui yarka umpira kaikbia.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Lawana Nani 106:46

¡pura lalura nani ra sin yan ai kupia yamnika lâka wal banhkan!

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 2:5

Tisku baku kan, king fero luhpia mairin ba awala un ra bal iwan aihtabaia. Ai albika mairin nani ba, awala unku wapi tauki kan ba ra, king fero luhpia mairin baskit ba kaikan, klisang nani tilara kan ba. Bara ai albika mairin kum blikan wih brih balan.

Impakan Sturka 2:7

Bara tukta lupia lakrika ba bal king fero luhpia mairin ra win: —¿Yang wih Hibru mairin kum pliki bri balamna ki, tukta na tiala dakaki maikaia?

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Jirimaya 34:9

Lâ ba bapan kan Ju nani ai tilara alba waitna nani bara alba mairin nani bri ba pri lâka ba yaia, upla kumi sin Ju ai tahkia ba ai albika bri kaia apia.

Apastil Nani Sturka 7:21

Witin ba ban lulkaia kan, bara Idsip kingka luhpia mairin mita bri si pakan ai luhpia baku.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.