Impakan Sturka 14:4 - DAWAN BÎLA AISKA

⁴ Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:4 ပူးပေါင်းရင်းမြစ်များ

Nihimaya 9:10

Bara wark aihkakira pali sin daukram king fero mapara, ai warkka uplika nani mapara, ai tasbaya uplika nani aiska mapara sin, kan man kaiki kapram witin nani praut lâka ra uplikam nani ra taibi kan ba. Baku sika man mita pura lui ninam ba tara pali daukram, naiwa kat kulkanka ban brisma.

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 10:27

Ban sakuna, Dawan mita baku daukan, king fero ba kupia karna takaia bara upla nani bîla walras kaia, upla nani ba sin swika taki waras kaia.

Impakan Sturka 12:28

Ningkara witin nani taki wan, bara Dawan mita dîa daukaia Moses bara Eran wal ra win ba, witin nani baha kat daukan.

Impakan Sturka 14:23

Bara king fero araska âiulra nani ba sut, ai waginka nani ba aikuki, witin nani nina bliki ban kabu lila kat wan.

Impakan Sturka 14:25

Waginka wilwaika nani ba sin drapapa ra kakahwi kan, baha mita witin nani sip ai kanra waras kan. Bara Idsip uplika nani ba win: —Kaisa yawan Israel luhpia nani mawan wina plapaia, Dawan ba witin nani tâwan yawan wan mapara aiklabisa bamna.

Impakan Sturka 14:3

Baha mita king fero lukbia: ‘Israel luhpia nani ba aimawahkan, witin nani anira waia sin kaikras sa.’

Impakan Sturka 14:5

Nanara Israel luhpia nani, Idsip wina taki wan nani ba, king ra maisa pakan bara witin ai uplika tara nani ba sin kli ai kupia lakan bara upla nani ba dukiara luki naku win: “¿Kuna yawan nahki pali wisi baku daukan, Israel luhpia nani ba yawan wan warkka dauki kan ba, ban baku swika taki waia?”

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 18:11

kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Impakan Sturka 7:17

Bahamna, Dawan bila naku wisa: Nanara man kaikma yang sika Dawan sna ba. Naha dusa mihti ra brisna na liura prukamna ba ra, awala laya ba tala baman takbia.

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 32:15

Idsip ba upla iwras tasbaya daukamna bara kuntri ba bîla man takbia, upla âpu ba ra, ai dara wali banhbia yang sika Dawan sna ba.’

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Isikiel 39:13

Upla sut ba diara dauki kabia naha nani bikaia, bara kulkanka kum kabia witin nani mapara. Baha yua ra yang pranakira param takamna. Yang, Dawan, kasak aisisna.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Roman 11:8

Ulbanka ra dîa aisi ba baku: “Gâd spiritka ba mapara baha nani ba yan ai dara walras kan; nakra nani sip kaikras ba yan, bara sip walras kiama nani ba sin yaban, bara naiwa kat baku ban sa.”

Roman 9:17

Bamna Ulbanka ra Gâd mita Idsip kingka ra win: “Man bâk karniki ba marikaia king mai mangkri, bara tasba aiska ra yang nini ba latan marikaia.”

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

Wihta Nani 4:7

Bara yang bui daukamna Sísara, Jabín suldiar wihtka ba, Quisón awala ra war waginka nani bara suldiar nani brih balbia man wal war aiklabaia. Sakuna witin nani ba yang bui man mihtam ra mangkamni.’