Impakan Sturka 13:9 - DAWAN BÎLA AISKA

⁹ Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Impakan Sturka 13:9 ပူးပေါင်းရင်းမြစ်များ

Nihimaya 1:10

“Yang nani na man albikam bara uplikam nani sna, man karnikam tara ni bara man mihtam karnika ni atki sakram ba.

Lawana Nani 136:11

Witin sika, Israel luhpia nani, Idsip wina sakan ba ai latwanka lâka ba ban kaia ra ban sa bamna;

Lawana Nani 136:12

witin ai klahkla ba sakbisa, ai latwanka lâka ba ban kaia ra ban sa bamna.

Lawana Nani 89:13

Man klamhkla ba karna pali sa; man mihtam aihkika ba karna sa, bara pura lalura sa.

Impakan Sturka 12:14

Baha yua ba man nani kupiam kraukaia yua kum kabia, ban kaia ra. Naha yua, piu aula bani, man nani bui yang ra lilia tara dauki aiki kama, bara lâ kum luhpiam nani ra sin smalki kama ban kaia ra.

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 13:14

Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 13:16

Dawan ai mihta karnakira ba ni, Idsip tasbaya wina bri sal wan sakan ba tukinka baku; sain kum wan klahkla ra wilkan, wan lal purara sin ulbi mangkan baku, yawan luki kaia sa naha yua liliaka ba dauki wan kupia krauki ba ra.’ ”

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 3:20

Bamna yang bui witin nani ra karniki marikamna, diara aihkakira karnakira nani ai tasbaya ra daukamna ba wal, prura wal sin witin nani ra klala yabamna; baha ningkara witin mai swika taki wama.

Impakan Sturka 7:4

king fero man nani bîlam walbia apia, sakuna yang karniki ba wal Idsip purara mihti sakbamni, lâ nani wapni kasak lâka dauki, yang upliki Israel luhpia nani aiklaklabra daknika ba bri sal sakamni.

Sins Lâka 1:9

Kan man mampara prana kum painkira kabia: Sim lilura awa kum, apia kaka kraun kum baku.

Sins Lâka 3:21

Luhpi, piu bani wapni lâka ba alki bas, âuya mâira lâka ba namkra wina lap tiwbiara.

Sins Lâka 7:23

tnawira kumi alkaika kat aihni pali dimi ba, bara witin baha ba kaikras ai rayaka pruaia dukiara daukan ba, trisbaya kumi ningkara ai kupia sabi baila walak luki ba.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 44:5

Bara tila wina kum wibia: ‘Yang sika Dawan uplika sna’; wala wibia: ‘Yang nani Jekob kiamka sna’, bara wala nani ba ai mihta ra ulbia: ‘Yang Dawan prapatika sna’, bara wala nani ba ai nina Israel mâkbia.”

Aiseya 49:16

Yang mihti nani bîla kat lilkam dauki brisna; tawankam kutbanka nani ba piua bani ra maiwanra sa.

Aiseya 51:9

¡Rawi bus! ¡Rawi bus! Dawan klahkla, man karnikam prâka ba dims; rawi bus piua luan ra daukram ba baku, piua wihka luan ra baha daukram ba; Rehob ra klakatma ba, bara dragun kabu ra ba.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Daniel 9:15

‘Dawan wan Gâdka, man karnikam tara ba wan marikram sa, Idsip wina uplikam nani sakram ba piua ra, baku daukram ba mita tasba aiska ra ninam ba plapi tawan sa, baha yua ra bara naiwa yua ra sin, ban sakuna yang nani saura bara watawi sin dauki banhri.

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Roman 10:8

¿Bamna, dîa pali aisisa ki?: “Gâd bîla ba man lamam pali kat sa, bîlam ra bara man kupiam kat sin.” Naha bîla na sika kasak lukan lâka yang nani smalkisna ba.

Kli Smalkanka 30:14

Baku daukaia watlika ra lâ nani ba man nani lamam pali kat sa. Man nani unam nani ra bara lukankam nani ra sa, man nani baha daukaia sip sma ba kat.

Kli Smalkanka 5:15

Kupiam krauki bas man nani Idsip ra alba katma ba, bara Dawan Gâdkam ai karnika tara bri ba baha wina mai sakan. Baha mita Dawan Gâdkam bui adar maikan ris yua ba kulkaia.

Kli Smalkanka 6:21

Man nani pana wima: ‘Yang nani na king fero albika kapri Idsip ra, Dawan ai karnika tara ni baha wina wan sakan.

Kli Smalkanka 6:6

“Diara sut yang aisari ba sinskam ra ulbi mangkma,

Kli Smalkanka 6:8

Naha lâka na sain kum baku, mihtam ra wilki brih was bara lamla purara sin,

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”

Wihta Nani 2:12

Witin nani Dawan ba swin, ai damika nani Gâdka, Idsip wina witin nani ra saki bri balata ba. Bara upla nani witin nani ai lamara kir iwi kan ba mihta ra kauhan, bara baha nani gâdka nani ra mahka mayunan, bara baku witin nani Dawan kupia sauhkan.