Impakan Sturka 11:8 - DAWAN BÎLA AISKA

⁸ Bara Moses naha bîla aisi, win: —Man uplikam tara nani ba sut yang ra ai kaikaia balbia, ai lula kriki yang ra makabi ai wibia: ‘Uplikam nani sut ninam bliki nani ba brih, man nani mahka taki was.’ Sakuna yang taki wamna apia. Baku aisin bara Moses ai kupia baiwan, king mawan wina mahka taki wan.

Impakan Sturka 11:8 ပူးပေါင်းရင်းမြစ်များ

1 King Nani 20:10

bara Ben-hadad kli Ahab ra blikan wiaia: “Gâd nani bui ban saura pali ai munan kabia, Sameria tasbaya yamhpuska nani ailal âpu sa kaka, upla nani yang nini bliki ba ra ai mihta kruskanka kum kum yabaia kumi bani ra.”

2 King Nani 3:9

Baku bamna, Israel, Juda bara Edom kingka nani ba mahka taki wan. Sakuna baku upla iwras tasbaya bâk yu 7 wapi tauki kan bara lî âpu takan, aiklaklabra nani bara aras nani brih tauki kan ba dakakaia.

Nihimaya 5:6

Baha brukwanka bîla nani ba walri ba ra, yang kasak pali kupi baiwan.

Lawana Nani 6:1

Dawan, kupiam baiwanka ra lawi ai daukpara, lawisma ba ra klala aikpara.

Impakan Sturka 10:29

Bara Moses pana tawi win: —Kasak pali aisaram, yang kli mai kaikamna apia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Daniel 3:19

Nabucodonosor naha bîla nani walan ba ra, wahma yumhpa ba mapara lawi kan ba mita, ai mawan ba pauni pali takan kan. Bamna win kubus ba kau aima 7 taim kau lapta daukbia kainara kata ba wal kau karna pali.

Kulki Kaikanka 12:3

Kasak aisabia kaka, Moses ba waitna bawikira pali kan, tasba aiska ra waitna nani iwi ba sut tilara.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Kli Smalkanka 29:24

“Baku bamna, tasba aiska ba mita makabi walbia: ‘¿Dîa muni Dawan naha uplika nani ra naku daukan? ¿Dîa kan uba pali ai kupia baiwanka ba blikan?’

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.

Wihta Nani 4:10

Bahara Barac bui Zabulón bara Neftalí kiamka nani ba paiwan, bara suldiar nani 10,000 waitna asla dauki, baha wihtka aimakan. Bara Débora sin witin wal wan.

Wihta Nani 8:5

Sucot ra Gedeón bui bahara iwi uplika nani ra makabi walan: —Man nani, pliskam pali, waitna nani yang wal aula ba plun wirâ dakaks, kan witin nani plun piras bara swapan pali sa. Yang nani lika ban Madián kingka nani Zébah bara Salmuná wal alkaia nina blikisna.