Impakan Sturka 10:5 - DAWAN BÎLA AISKA

⁵ Kruhkru ailal pali kabia, tasba mawan âpu daukbia, tasba pîs sin kaikma apia. Ais mâ auhan bara diara nani kum kum kau ikras yuyaka nani swin kau pâwi ba sut pibia, dus tara nani unta ra pâwi ba sin sut pibia.

Impakan Sturka 10:5 ပူးပေါင်းရင်းမြစ်များ

Impakan Sturka 10:12

Ban sakuna, Dawan mita Moses ra win: —Idsip tasbaya purara klamhkla sâks, bara kruhkru nani bal diara pâwi nani ba sut pi âpu daukbia, tasbaya aiska ra ais mâ auhan ba mita diara nani kum ikras kan ba sut nanara pih âpu daukbia.

Impakan Sturka 10:15

Tasbaya aiska ba kruhkru nani mita bikan, tasba pali ba sin sip kaikras kan. Diara pâwi kan ba pi âpu daukan, dus nani lî klaswan mita sauhkras kan nani ba sin sut pin. Tawan aiska ra dus wahia kumi sin âpu kan, unta ra sin dus mâ nani sin sut âpu daukan.

Impakan Sturka 10:4

Upliki nani ba swirka waras ban maipara buisma kaka, yang yauhka pali tasbayam purara kruhkru tara nani blikamni.

Impakan Sturka 9:32

Ban sakuna, plawar mâ nani lika sauhki tikras kata, kan baha nani ba naika ra pihwaia piua kan bamna.

Joel 1:4

Kruhkru nani ba kli bal plun mâ nani ba pih danh daukan, bara dîa kau piras swin kan ba wala nani balan baha nani mita pih âpu daukan.

Joel 2:25

“Yang bui man nani mampara kruhkru nani blikri rau mai sauhki banhwaia dukiara, kruhkru daknika tara, klala maikaia blikri ba tâka, man nani namsla bîla wina mâ nani sakras kapram ba, baha mana aiska sut yang kli mai aibapamna.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!