Hageo 2:23 - DAWAN BÎLA AISKA

²³ Duki dadaukra Zorobabel, baha yua ra yang mihtidingka, sîl mangkaika ba baku main mai kaikamni, kan yang bâk mai saki mai briri bamna. Yang, Dawan karnika sut brisna ba, kasak aisisna.”

Hageo 2:23 ပူးပေါင်းရင်းမြစ်များ

Lawana Nani 65:5

Gâd bara wan sasakra, man sika yang nani ra pana aisisma ba, diara kasak aihkakira daukisma ba wal; naha tasba aiska ba man ra kasak lukisa, baku sin kabu lamara iwi nani ba sut.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Aiseya 49:16

Yang mihti nani bîla kat lilkam dauki brisna; tawankam kutbanka nani ba piua bani ra maiwanra sa.

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Matiu 12:18

“Naha sika yang duki dadaukra bâk sakri ba, witin ra latwan kaikisna, bara witin dukiara sin lilia sna. Spiritki ba witin purara mangkamna, bara witin kuntri nani sut ra lâika tânka kasak ba aisabia.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.