Hageo 2:22 - DAWAN BÎLA AISKA

²² tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Hageo 2:22 ပူးပေါင်းရင်းမြစ်များ

2 Kronikas 15:6

Nisan nani bara tawan nani ba pana pana aiklabi slingwi tiwaia kata, kan Dawan bui pâtka nani yaban ba bri kata bamna.

2 Kronikas 20:22

Tisku witin nani mahka lilia lawana Dawan ra aiwani banhwan ba ra, Dawan mita Amón uplika nani tilara tanis sin daukan, Moab uplika nani tilara sin, bara Seír ilka uplika nani tilara sin, baha nani Juda mapara war daukaia aula kan, sakuna baha nani ra sut sauhki tikan.

2 Kronikas 20:23

Kan Amón bara Moab uplika nani ba, Seír, tawanka nani il tara nani ra kan ba ra aiklabi sauhki tikan aiska sut; baha ningkara witin nani ai tila kat pana pana sauhki tiki banhwan kata.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Lawana Nani 76:6

War wagin bara araska nani sin yan aiawi banhras sa, man, Jekob Gâdka, witin ra saura munisma ba ra.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:28

Kabu bîla kwawan ba kli bal wal prawan bara king fero waginka nani, aras âiulra nani ba, war aiklaklabra nani sut, Israel luhpia nani nina bliki kabu ra dimi wan nani ba, kumi sin swak takras ailal takaskan.

Impakan Sturka 15:19

King fero araska âiulra nani ba, ai waginka nani aikuki kabu ra wih diman ba ra, Dawan mita daukan kabu laya ba witin nani purara bikaia; sakuna Israel luhpia nani ba lika kabu ra tasba lâwan bâk lui wan.

Impakan Sturka 15:4

King fero, warka wagin nani sut, war aiklaklabrika nani ba sin sut, kabu ra rungki tikan sa; ¡suldiar wihtka kau pain nani kan ba Kabu Pauni ra swin kwapi pruan!

Aiseya 19:2

“Idsip uplika nani ba, ai tila kat mapara buaia daukamna bara kumi bani ai muihni mapara aiklabia, ai uplika nani mapara tawan ba tawan mapara, king tasbaya lâka ba king tasbaya lâka mapara aiklabaia.

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Isikiel 26:16

King nani kabu wina ba sut batakan kabia, bara ai prâka maman nani ba sut dakbi bribia; sibrin tara ba mita tasba kat iwi kabia, awar bani sibri mita tatatwi kabia bara baha nani kaiki sibrin takbia.

Isikiel 38:21

Yang yabrika balbia, Gog purara saurka sât sât sibrin ni banhbia dukiara. Siknis wal klala yabamna bara prura aihkakira karna pali sin. Yabrika witin, ai suldiar bara uplika ailal nani ai yula kahbi nani ba purara balbia, lî ailal auhi, lî klaswan nani, pauta bara sulpa lapta nani ba; bara upla nani sut ba pana pana ai mawanra kauhi kabia ai sordka nani wal. Yang, Dawan, kasak aisisna.

Isikiel 39:20

Plun tara ridi daukamni aras wîna wal; bara aras âiulra, suldiar bara war aiklaklabra sâtka ba sut ba, plun pih aibanhbia ba kat. Yang, Dawan, kasak aisisna.

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Emus 2:15

Pantamangka alki uplika nani ba sin sip bapi bubia apia; isti plapbia sin, ai rayaka sip swaki sâkbia apia, aras ra uli plapbia sin swak takras ban prubia.

Miqueas 5:10

Naha na Dawan kasak wisa: “Baha yua ra, yang mita araskam nani ba sut ikamna, aiklabaikam waginka nani ba sin sauhki tikamna.

Miqueas 5:15

Kupi baiwanka pali ni, baha tasbaya uplika nani bîli wali daukras ba mapara saura munamna.”

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 5:9

Dawan, man waihlam nani ra baku aiklabi sauhki tikma,

Miqueas 7:16

¡Nisan wala nani sut yarka baha ba kaikbia, bara ai karnika tara bri ba kaiki, witin nani ai swira lukbia! ¡Âu, witin nani bîlas, kiama prawan baku man takbia!

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Sakaraya 10:11

Witin nani Idsip kabuka ba lubia, ripka nani ba âpu daukamni. Nilo awala ba klang lâkamna, Asiria praut lâka bri ba yarka bawbia bara Idsip karnika ba sin âpu daukamni.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Sakaraya 12:9

Baha piua ra ani nisanka Jerusalem mapara bubia ba, sauhki tikamna.

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Sakaraya 9:10

Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.

Matiu 24:7

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Wihta Nani 7:22

bara 300 waitna nani ba kli sîpka aringka nani ba ban puhbi kan. Dawan bui baku daukan, Madián uplika nani ai tila kat klauna aiklabi prui kaia, bara ai kiampka nani wina sin taki plapi kaia, Bet-sitá tawanka ra, Sererá yabalka ra, Abel-meholá tasbaya piarkika kat, Tabat tawanka ba lamara.

1 Samuil 14:16

Guibeá Benjamín tasbaya ra Saúl aihwawakra ailal bâra kan ba kaikan, filisteo nani ba kupia lap tiwan, ai yabalka tiki tanis baman plapi kan.