Hageo 2:21 - DAWAN BÎLA AISKA

²¹ witin Juda wihtka tara Zorobabel ra wiaia: “Yang kasbrika pura bara tasba ba sin nikbamni;

Hageo 2:21 ပူးပေါင်းရင်းမြစ်များ

1 Kronikas 3:19

Pedaías luhpia nani ba naha nani kata: Zorobabel bara Simí. Zorobabel luhpia nani ba naha nani kata: Mesulam bara Hananías, bara Selomit sin, naha nani ai lakrika ba,

Esdras 5:2

Bara Zorobabel, Salatiel luhpia ba, bara Jasua, Josadac luhpia ba sin asla taki, bûi banhwan bara Gâd tempelka Jerusalem ra ba kli mâki banhwata. Bara witin nani aikuki kan Gâd prapitka nani, bara warkka taki hilp muni kan.

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Isikiel 26:15

“Yang Dawan sna ba, Tiro ra wisni: Kabu kuntrika nani ba naha kauhaia ba binka wali tatatwi kabia, baha insauhkanka upla nani iki tikanka ba dukiara, inanka nani ba tilara.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Hageo 1:1

Darío mani wâl Persia kingka kan piua ra, kati matlalkahbi, lapta yu kum aimakan ra, Dawan ai prapitka Hageo bâk aisin ai bîla dahra ba; Zorobabel, Salatiel luhpia waitna, Juda tasbaya ra wihta tara aimaki kan ba ra wiaia, prîs tara Jasua, Josadac luhpia ra sin wibia dukiara.

Hageo 1:14

Dawan baha bîla aisin ba wal, Zorobabel, Juda wihtka tara ba, Jasua prîs nani wihtka ba sin, bara upla nani sut ba, kati matlalkahbi, yua 24 aimakan ra, Darío pat mani wâl king aimaki kan ba ra, witin nani mahka buan ai Gâdka, karnika sut alki bri ba Dawanka, tempelka ba kli paskaia.