Hageo 2:19 - DAWAN BÎLA AISKA

¹⁹ Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Hageo 2:19 ပူးပေါင်းရင်းမြစ်များ

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Job 39:12

¿Patam mâ nani wahbaia dukiara man ra hilp kabia ki, bara patam mâ nani auhbaika pliska ra asla brima?

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 84:12

Dawan karnika sut bri ba, ¡lilia pali sa baha nani witin ra luki ba!

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 31:14

Daukamni prîs nani ba plun kau pain ba piaia yang tawanki ba ai lilia bribia diara ailal brisna ba wal. Yang, Dawan, kasak aisisna.”

Joel 1:12

Wain nasla ra, wain kiwka nani ba sut lâwan, bara kwah damni dusa nani sin sut pruan. Drap nani, supa sâtka dusa nani ba sin lâwan, mâ damni saki dusa nani sut sin, bara dus mâ sâtka wala nani insla ra bâra kan ba lâwan sa. ¡Bara baku sin upla nani liliaka ba sut srawi lui âpu takan sa!

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Hageo 1:11

Yang mita sika tasbayam ra, il nani purara, insla nani purara, wain nasla nani, oliv dusa nani purara, tasba wina diara pâwi taki nani ba sut purara, upla nani purara, daiwan nani purara, bara upla ai mihta warkka nani dauki ba purara lî auhaia ba takaskri.”

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.