Hageo 2:17 - DAWAN BÎLA AISKA

¹⁷ Namsla ra pata mâ nani purara ba sikniska, lî kauhla klaswi auhi ba ni sauhkri, sakuna man nani bui yang ai plikras. Yang, Dawan, kasak aisisna.

Hageo 2:17 ပူးပေါင်းရင်းမြစ်များ

Blasi Sturka 42:23

Sakuna witin nani dîa aisi kan ba, Josep baha tânka sut wali kan, kan Josep bîla aisinka nani ba upla wala kum mita witin ra laki aisi kan bamna.

Blasi Sturka 42:27

Yabal lilara tihmia yapaia pliska ba kat witin nani wan ba ra, witin nani wina kumi ai surunka ba lanhki saki kaikan, ai daiwra plun dakakaia dukiara; bara kaikan witin plun atkan lalahka ba surun bilara kan.

Blasi Sturka 42:6

Josep baha tasbaya wihtka mangkan kan bamna, tasba wala uplika nani sut ba witin ra baman waia kan plun atki briaia. Bara Josep muihnika nani sin witin ai mawanra waia kan. Witin ai mawanra sut tasba kat ai lal makupi ai lakula daukan.

1 King Nani 8:37

“Ban kra tasbaya ba ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia, witin nani iwi tasbaya ra waihla nani bui bal kutbi bribia kaka bara pât wala siknis sât wala nani balbia kaka,

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

2 Kronikas 6:28

“Ban kra tasbaya na ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia; witin nani iwi tasbaya ra waihla nani bui bal kutbi bribia kaka, ani ani pâtka, apia kra siknis nani balbia kaka,

Job 36:13

Upla watawikira nani ai kupia ra lawi pali banhwisa, priskan banhwisa sakuna hilp makabia apia.

Lawana Nani 128:2

Man mihtam warkka ba wina mâ pi kama, lilia kama bara man ra sin yamni man kabia.

Lawana Nani 78:46

tristrisia blikan pata mâ nani sut pin, baha nani kasak wark takata ba.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 37:27

Bahara iwi uplika nani ba, tânka tara, ai karnika âpu pali kan, bara ai swira sibrinkira pali nani kan, baku sin aiblakwi tanis man sin tauki kan, bara witin nina ba sin, inma wahia nani baku takan, ba purkara lalma payaska laptika mita angkan.

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 3:24

Aidul mayunaia lâka swira pali ba mita yang nani ra ai munan yang nani kau tuktan katna bara almukki nani baha brin ba mita: sîpki nani, daiwri nani, luhpi waitna nani, luhpi mairin nani tikri.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Emus 4:6

“Yang bui daukri sika, man nani tawankam tara sut ra plun wahwi kapram ba; yang bui daukri sika, tawankam sirpi nani sut ra plun âpu takan ba. ¡Baha sut daukri sakuna, man nani kli yang ra tawi balras!” Dawan baku kasak aisisa.

Hageo 1:11

Yang mita sika tasbayam ra, il nani purara, insla nani purara, wain nasla nani, oliv dusa nani purara, tasba wina diara pâwi taki nani ba sut purara, upla nani purara, daiwan nani purara, bara upla ai mihta warkka nani dauki ba purara lî auhaia ba takaskri.”

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Hageo 2:16

¿man nani ra dîa taki kata? Upla kum rais nasla tara ra 20 bîk dâkaia wan, sakuna bîk matawalsip baman brih balan; bara wala kum wain taibi bara 50 bukit brih balaia wan, sakuna 20 buki baman brih balan.

Malaquía 3:11

Namsla mâ tilwan nani ba, wain nasla nani brisma ba sin swirka liwa nani mita pih tikbia apia.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Param Marikanka 2:21

Witin ra sans yâri ai kupia lakaia, sakuna swin daukras sa witin ai rugka lâka ba wina.