Galesha 6:16 - DAWAN BÎLA AISKA

¹⁶ Bamna, baha smalkanka kat dauki nani ba sut, kupia kumi lâka bara umpira kaikan lâka bri kabia, bara Gâd uplika pali nani ba sin bribia.

Galesha 6:16 ပူးပေါင်းရင်းမြစ်များ

1 Kronikas 12:18

Bara Amasai, 30 nani lalka ba, spirit witin nani ra iwan bara winan: “¡Debit, Jesé luhpia, kupia kumi lâka kabia man ra! ¡Kupia kumi lâka ba ban man wal kabia! ¡Kupia kumi lâka man ra bara baha nani hilp mai muni nani ba ra sin, kan Dawankam ba man ra tâm baikan sa!” Debit baha nani ba yamni brin bara war aiklaklabra daknika nani lalka tilara brin.

Lawana Nani 73:1

¡Gâd ba nahki pain pali sa, Israel luhpia nani ra, baha nani ai kupia klin bri nani ba kira!

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 4:12

Kasak pali, Ebraham lika Aisa sainka mangkan uplika nani ba aisika sa; baha tânka ba lika, ai wîna ra baman Aisa sainka mangkras, sakuna wan aisika Ebraham Aisa sainka briras kainara kasak lukan lâka bri kan ba nina bliki banhwisa.

Galesha 1:3

Man nani ba Gâd Aisa wina bara Dawan Jisas Kraist ba wina sin, yamnika nani bara kupia kumi lâka ba bri kama.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Galesha 5:16

Bamna yang mai wisna: Man nani Spirit mita raya bas, wînam brinka saura nani ba dauki âmyapah kaia tauki kama apia.

Galesha 5:25

Spirit mita yawan raya ba baku, dîa dîa dauki ba sut Spirit mita tâ bribia.

Epesus 6:23

Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal;

Pilipai 3:16

Sakuna naha na lika: yawan luki iwi kaia sa dîa pat alkan ba kat.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

Judas 1:2

Bamna man nani lika yamni kaikan lâka, kupia kumi bara latwan lâka manis pali bri banhs.