Galesha 6:12 - DAWAN BÎLA AISKA

¹² Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Galesha 6:12 ပူးပေါင်းရင်းမြစ်များ

Matiu 23:27

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa.

Matiu 23:28

Man nani sin baku sma; purak lika upla nani mawanra pain baku sma, sakuna kupiam bilara lika, kunin bara watawan lâka man banhki sa.

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 5:10

“Lilia pali sa baha nani pât wahwi ba Gâd mita dîa daukaia win ba dauki ba, kan king lâka kasbrika purara ba wina witin nani ai dukia bribia bamna.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:2

“Baha mita, upla umpira nani ra hilp yabisma ba ra, upla sut ra wini wipara, kuninkira nani prias watla nani ra bara tawan bilara aisi nani ba baku. Witin nani lika baku daukisa upla mita witin nani ba pain sa wibia wisi; sakuna yang kasak mai wisna, baha dauki ba wal pat ai prisantka brisa.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Luk 20:47

Baku sin, piarka mairin nani watla nani mihta dakbisa, bara kunin baman yari ai pura sunisa. Witin nani sika kau pât tara pali bribia ba.”

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

Apastil Nani Sturka 15:1

Baha piua ra tila upla nani Judia wina Antíoco ra balan. Baha nani mita wan muihni nani ra naku smalkan: swaki sakan lâka ba briaia kaka, Aisa sainka ba ai wîna ra briaia, Moses lâ yan ba kat.

Apastil Nani Sturka 15:5

Parisi daknika wina, tila nani kasak luki banhwan nani ba, ai mina ra bûi, naku aisin: —Ju apia nani kasak luki banhwi ba sut, ai wîna ra Aisa sainka ba briaia sa, Moses lâ nani wankan ba sin kulkaia sa.

2 Korint 10:12

Bamna brin wan daukras, ai wîna dukiara pain man aisi uplika nani ba wal, wan prakaia apia kaka, wan kulkaia. Witin nani diara bahki bahmuna baman daukisa, kulki kaikaia dukia ba ni kulki bamna bara upla wala ba witin nani wal praki kulki ba mita sin.

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

Galesha 2:14

Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 2:3

Sakuna Taitus pali sin yang wal tauki kan, bara witin Ju apia kan ba, Aisa sainka bribia dukiara taibi munras kan.

Galesha 5:11

Bamna yang pali na, muihki nani, Aisa sainka daukaia dukiara smalki tauki katna kaka, Ju nani nini bliki rau ai sauhkaia apia kan; bara baha ba baku kata kaka, yang Kraist dusa prihni tâwan aisisna ba, witin nani kupia sauhkaia apia kan.

Galesha 6:13

Bamna Aisa sainka mangki nani ba sin, lâ aiska ba sip kulkras sa. Kuna want sa man nani ba Aisa sainka mangkma, bara witin nani aimayunaia nahki man nani ra priski mai munan, baha markka lupia wînam ra mangki briaia.

Pilipai 1:15

Tila nani tuman lâka brih, pana pana unsabi Kraist tânka smalki banhwisa, sakuna wala nani lika yamni luki smalkisa.

Pilipai 2:4

Kumi bani ai painka yamnika baman plikaia apia sa, sakuna wala nani yamnika dukiara sin plikbia.

Pilipai 3:18

Naha dukia na man nani ra pat aima manis mai wîri, bara nanara naikra laya saki kli mai wisni: upla ailal bâra sa, witin nani Kraist dusa prihni ba wal ai waihla brih iwisa,

Kolosi 2:23

Kasak pali bahmuna sât dukia bâra sa, sins lâka wankaia talia sa, kan insal nani ra mayuni kulki ba mita, bara kunin tânka wal bawaia lâka bri ba mita sin, wan wîna rausauhkaia ba; sakuna wan wîna brinka pura luaia nani sut ba diara bahki nani sa.