Galesha 4:17 - DAWAN BÎLA AISKA

¹⁷ Baha uplika nani ba uya man nani ra lukisa, kuna ai kupia pain lâka ni lika apia. Witin nani brin daukisa man nani ba, yang nani wina dakbi mai sakaia, bara ningkara man nani mita, witin nani ra brin mai dauki kira plikma dukiara.

Galesha 4:17 ပူးပေါင်းရင်းမြစ်များ

Matiu 23:15

“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.

Roman 10:2

Witin nani hilpka ra aisaia sip sna, witin nani Gâd warkka daukaia brinka ba tara pali brisa; ban sakuna, baha brinka ba sinska kasak ba kat ai tânka briras sa.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 4:18

Man nani wina tila ba tara takan ai dahra walisa bara yang na man nani bal mai kaikamna apia luki;

1 Korint 4:8

Diara nani luha sma ba pat sut yuya brisma, man nani pat yuyakira nani sma. Pat king sma lukisma, bara yang nani wina diara want apia sma. Kasak, ¡king nani pali kapram kaka, yang aitani lukaia kapri, bara baku mika yang nani sip kaia kapri man nani aikuki king aimakaia!

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

Galesha 4:16

Bara nanara lika, ¿dîa yang na man nani waihlam kum takri sa ki, diara kasak ba mai wîri tâwan?

Galesha 4:18

Bamna nanara, pain sa diara wala dukiara wan brinka aiska ni pliki taukaia, sakuna baha ba kupiam lukanka wina kaia sa, bara yang na man nani wal sna na piua ra baman apia, kuna piua bani.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.