Galesha 4:14 - DAWAN BÎLA AISKA

¹⁴ Baha sikniska ba man nani mampara traika kaikanka kumi kan, ban kuna baha tâwan wisi man nani mita bahki bara saura ai kulki ai briras katma. Sakuna, ai briram yang na Gâd insalka kumi baku, bara Jisas Kraist pali kapri kan baku.

Galesha 4:14 ပူးပေါင်းရင်းမြစ်များ

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

2 Samuil 19:27

Witin ba yang dukira king ra nini sauhkan. Ban sakuna, king ba Gâd insalka kum baku sa, bamna man dauks nahki kau yamni kaikisma ba kat.

Job 12:5

Sakuna pât luha uplika ba, pât ra uplika ra yamni kaikras; ai kupia lukras kira kauhaia baman uplika ba ra platukbi batakaia ba witin lukras sa.

Lawana Nani 119:141

Yang na sirpi sna, bara bahki sin ai kulkan sa; ban sakuna man smalkram lâka nani ba yang âiya tiwras.

Smasmalkra 9:16

Ban sakuna, yang wisni kau yamni sa sinskira kaia wihki kupia karnira kaia ba wal, baha tilara upla umpira sinska lâka bri ba alki briras kabia sin, aisi ba walras kabia sin.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Matiu 18:5

Bara ani uplika yang nini ra luki nahmuna tuktika kum brisa kaka, yang ra ai brisa.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Jan 13:20

Kasak pali mai wisna, ya yang blikri uplika ra bri ba, yang ra ai brisa; bamna ya yang ai bri ba, witinka ai blikan ba ra sin brisa.

1 Korint 1:28

Tasba uplika nani mita mâyara kulki nani bara bahki kulki nani ba sin, Gâd mita bâk sakan sa; tânka ba lika, diara apia nani ba, tara nani ba sauhki tikaia dukiara.

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Galesha 4:13

Pat kaiki banhwisma, tâ pali piua ra swaki sakan lâka man nani ra mai smalkri ba, yang baku daukri wîni tara ra siknis kum mita rau ai sauhki kan ba mita.

Galesha 4:15

Baha liliaka bri nani katma ba, ¿nanara dîa takan ki? Man nani hilpkam ra ban sip kamna wiaia, baha ba sip kata kaka, namkra pali nani sin daiki aikaia wilin banhwi kaia kapram.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

Hibru Nani 13:2

Upla tringsar nani wamtla ra dingki briaia ba kupiam krauki bas. Upla tila nani naku dauki, ai dara walras pali insal nani ai watla ra dingki brisata.