Galesha 3:23 - DAWAN BÎLA AISKA

²³ Kau naha kasak lukanka lâka na balras kan ba ra, lâ ba priski wan bri kan, kasak lukan lâka ba param sakan kabia ba kat.

Galesha 3:23 ပူးပေါင်းရင်းမြစ်များ

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Roman 11:32

Bamna Gâd mita upla sut ba bîla wali daukras lâka ba mununhtara swin, baku mika sut dukiara ai kupia swapnika bribia.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Galesha 4:21

Man nani, diara kum ai wis, Moses lâka ra ban iwi kaia lukisma nani ba: ¿baha lâka ba dîa aisi ba man nani walras katma ki?

Galesha 5:18

Sakuna Spirit ba tâm brisa kaka, man nani lika lâ mununhtara apia sma.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.