Galesha 3:21 - DAWAN BÎLA AISKA

²¹ ¿Bamna naha tânka na mita, Moses lâka ba Gâd pramiska nani ba mapara sa wisa ki? ¡Apia pali! Kan lâ kum yan ba upla nani ra raya kaia lâka yabi kata kaka, lâ dîa wi ba kat dauki mita Gâd pain kaikaia kan.

Galesha 3:21 ပူးပေါင်းရင်းမြစ်များ

Luk 20:16

Witin bal, wark tatakra nani ba sut iki tikbia, bara insla ba upla wala nani mihta ra mangkbia.” Naha walan ba ra, witin nani bila: —¡Baku pali lika takbiara!

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Roman 3:4

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

Roman 3:6

¡Sip apia pali! Gâd ba kasak apia kaka, ¿nahki witin sip kabia tasba aiska na lâka daukaia?

Roman 9:31

Sakuna Israel luhpia nani lika, witin nani lâ lat daukaia kumi nina bliki kan Gâd mawanra yamni kulkan kaia kan ba, bara witin nani ra baha lâka kat mita sip yamni kulkras.

2 Korint 3:7

Bamna Moses lâka na lika walpa tanhta ra ulbi mangkan kan, bara Moses ai mawan ba ingni pali kan balan ba ra, Israel luhpia nani mita sip witin mawan kaikras kan, ai mawan ba ingni kan bamna. Sakuna baha ingnika ba tawa tawa tiwi kan. Kuna baha lâka mita upla pruaia pâtka mihta ra mangki ba lika, pranakira pali balan kaka,

Galesha 2:17

Bara nanara, Kraist Gâd ba bui pri wan sakan kabia lukisna ba mita marikan sa, yang nani ba upla saurakira nani sna, ¿bara naha tânka na mita Kraist ba saurakira nani wan sakisa ki? ¡Apia pali!

Galesha 2:19

Kan yang lika lâ mapara pat pruri sa; baha sim lâka ba mita ai munan pruri, baha mita Gâd ra raya kamna wisi.

Galesha 2:21

Baha mita, Gâd latwanka ba bahki kulkan ai daukras; kan upla kum lâ bîla wali dauki ba mita Gâd mita kasakkira kulki kan kaka, Kraist dus prihni ra pruan ba lika diara bahki pali kaia kan.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Hibru Nani 7:18

Baku bamna, lâ bîla almuk kata ba tnaya ra laki swin sa, baha ba uya swapni bara upla ra sin hilp yaras kan ba mita.

Hibru Nani 7:19

Kan Moses lâka ba mita diara kumi sin sip aiska aihwa pali daukras kata. Bara nanara baha watlika ra, yawan diara bîla kaikaia lâka kau pain kum brisa, bara baha bâk yawan lika Gâd lamara aula.