Galesha 3:19 - DAWAN BÎLA AISKA

¹⁹ Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Galesha 3:19 ပူးပေါင်းရင်းမြစ်များ

Lawana Nani 106:23

Gâd aisin sauhki tikaia; sakuna Moses, witin bâk saki brin uplika ba tilak dimi witin nani tâwan aisin; bara Gâd ai kupia sauhkanka ba lamni daukan, baku bamna yaban sauhki tikras kan.

Libait Lâka 15:32

Naha lâka nani sika likia laya taki baku kli taki ba, baha mihta tâski kulkan sa;

Luk 16:31

Sakuna Ebraham bila: ‘Moses bara prapit nani ra sin bîla walan daukras banhwisa kaka, pruan wina kum wih smalkbia sin, walbia apia.’

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Apastil Nani Sturka 7:38

Moses kata sika upla iwras tasbaya ra upla nani tilara kan ba; bara Sainai ilka ra baha insalka witin ra aisin ba, wan damika nani ba wal sin bâra kan. Witin sika raya kaia bîla nani ba brin yawan ra wankaia dukiara.

Apastil Nani Sturka 7:53

Man nani sika insal nani bâk lâ briram, sakuna bîla walras sma.

Roman 2:13

Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Galesha 3:16

Bamna nanara, Gâd mita Ebraham ra bara ai kiamka ra sin pramis daukan. Ulbanka ra wiras sa: “Kiamka nani ra”, upla ailal dukiara aisaras, kuna naku wisa: “man kiamkam ra”; bara naha wiaia want sa upla kumi ra baman aisisa, baha ba Kraist.

Kli Smalkanka 33:2

naku natka ra: “Dawan ba Sainai ilka wina aula; Seír wina yawan ra ingwan. Parán ilka nani wina ingwan bara Meribá-cadés wina ban kitwisa; ai aihkika ra pauta klauhan lâ ba brih yawan ra aula.

Kli Smalkanka 5:5

Baha piua ra yang Dawan wihki man nani wal tilamra wal kapri, kan man nani pauta ami ba kaiki sibri kapram bara sip il ra ulras katma. Bara Dawan naku win:

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.

Hibru Nani 2:5

Baha tasbaya naika kabia dukiara yawan aisi ba purara, Gâd mita insal nani ba wihta nani mangkras sa.