Galesha 2:9 - DAWAN BÎLA AISKA

⁹ Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Galesha 2:9 ပူးပေါင်းရင်းမြစ်များ

2 King Nani 10:15

Baha ningkara Jehú baha wina mahka wan. Kau wiria wan ba ra, Jonadab, Recab luhpia wal prawan, witin Jehú kaikaia wan kata. Jehú bui ai lakula wih, bara witin ra win: —¿Man lukankam ba pain brisma yang tani, yang bui man ra lukisna ba baku? —Baku sa —Jonadab win. —Ban kaka, mihtam ba aik —Jehú mita win. Jonadab mita Jehú lakula win ba ra, Jehú ai waginka ra suni brih wan,

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Luk 22:8

Bamna Jisas mita Pita bara Jan wal blikan wan, bara naku win: —Man nani was, Insal luan Yua Liliaka dukiara tutni pata ba ridi dauki bas.

Jan 1:42

Ningkara Andru mita Saiman ba brih wan Jisas bâra kan ba kat, bamna Jisas kaiki, naku win: —Man ba Saiman, Jan luhpia, sakuna Cefas mai mâkan kabia (baha tânka ba: Pita).

Apastil Nani Sturka 12:17

Sakuna Pita ai mihta ni sain munan sâp kabia, bara maisa pakan nahki Dawan mita witin ba silak watla wina sakan tânka ba. Bara witin nani ra win: —Naha diara na Jems ra maisa paks bara wan muihni nani ra sin. Ningkara witin taki, plis wala ra wan.

Apastil Nani Sturka 15:13

Baha nani aisi tnata alkan ba ra, Jems naku aisin: —Muihki nani, pliskam yang ra wirâ wals:

Apastil Nani Sturka 15:7

Pana pana kasak aisi blahwan ningkara, Pita buan, bara naku aisin: —Muihni nani, man nani pain kaikisma, nahki Gâd mita man nani tilam wina bâk ai saki ai brin, Ju apia nani ra sin swaki sakan lâka sturka ba smalkaia, baha nani sin kasak lukbia dukiara.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Roman 15:15

Sakuna naha wauhkataya na wal, yang sibrin âpu param pali diara tila nani man nani ra ulbisna, âmya tiwbia apia ba mata. Naha daukisna Gâd ai kupia yamni bâk adar aikan ba mita,

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

2 Korint 11:5

Bamna yang na baha apastilka tara nani wi ba wal kau mâyara sna lika daira walras sna.

2 Korint 12:11

Yang lika upla tanis kum baku diara daukri, sakuna man nani mita ai munram baku daukaia. Kan man nani lika yang painki bara yamniki aisaia sip kapram. Kan apastil tara nani man nani mita nina blikisma ba wal, yang kau mâyara apia sna, man nani diara apia ai kulkisma sakuna.

2 Korint 8:4

Kasak pali sin yang nani ra makaban, witin nani ra sin sans yabamna wan muihni nani ra hilp blikaia.

Galesha 1:16

ai Luhpia ba aikan kakaira takri, baha mita yang ra ai paiwan swaki sakan lâka smalkanka ba, Ju apia uplika nani ra smalkamna dukiara. Naha diara yang ra takan ba ra, upla kumi wal sin aisaia waras kapri,

Galesha 1:18

Mani yumhpa luan ningkara, Jerusalem ra wari; baha piua Pita wal prawri bara witin wal yu 15 takaskri.

Galesha 2:1

Bamna 14 mani luan ningkara, kli Jerusalem ra wari Bernabé wal, baha piua Taitus sin yang wal brih wari.

Galesha 2:2

Yang bahara wari, kan Gâd mita param mairikan yang bahara waia sna ba. Bara Jerusalem ra plis kum wiria tnaya ra, tâ uplika nani aikuki asla aidrubi banhri ba ra, swaki sakan lâka Ju apia uplika nani ra smalkisna ba tânka baha nani mawanra yang mangkri. Naha daukri, kan yang brin ai daukras kan wark nani pat daukri ba, bara naha piua ra daukisna ba sut sin bahki ra tawbia.

Galesha 6:3

Ani uplika, witin diara apia ba, diara tara sa lukisa kaka, witin pali ai lukanka ra kunin munisa.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.