Galesha 2:20 - DAWAN BÎLA AISKA

²⁰ Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 2:20 ပူးပေါင်းရင်းမြစ်များ

Yamni Kulki Lawana 7:10

Yang lika laitwankira waitna ba dukia sna, witin ai kupia latwanka ba, yang ra ai aubi brih balisa.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 15:13

Latwan lâka kau tara upla briaia sip ba lika, ai uplika nani dukiara ai rayaka yabaia ba.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:35

Aisa ba ai Luhpia ra latwan kaikisa, bara witin mihta ra diara sut mangkan sa.

Jan 6:57

Aisa rayakira ba mita ai blikan, bamna yang na witin ba mita raya sni. Baku sin ya yang wina plun pi ba, yang wina raya kabia.

Jan 6:69

Yang nani pat kasak lukri bara sin kaiki banhwisna, man ba Holikira, Gâd wina sma.

Apastil Nani Sturka 8:36

Witin nani ban impaki lî bâra kan pliska kum ra balan, bara yunok ba bila: —Lî nahara sa, ¿bara aitani kabia apia ki tahbi ai daukaia?

Apastil Nani Sturka 9:20

Ningkara Saulo lika mahka prias watla nani ra smalkan. Witin aisin Jisas ba kasak Gâd Luhpia sa.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 14:7

Yawan kumi bani ba ai wîna kat man dukiara raya apia sa, bara wan dukiara sin pruras sa.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 6:8

Yawan na pat Kraist wal pruan sa kaka, kasak luki kaia yawan lika witin wal baku raya kabia,

Roman 8:10

Ban sakuna, Kraist ba man nani ra raya sa kaka, wînam tara ba saurka mita pruan kabia kra, kuna spiritkam ba lika Gâd kasakkira kulkan ba mita raya kabia.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

1 Korint 6:17

Sakuna upla kum Dawan ra asla takuya kaka, wâl ba kumi takisa spirit mapa ra.

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 10:3

Âu rait yang nani na upla, sakuna naha tasba uplika nani aiklabi ba baku lika aiklabras.

2 Korint 11:10

Kasak daira walisna, Kraist kasakka tânka ba yang ra sa, bamna baha âuyapah lâka yang brisna ba Acaya tasbaya aiska ra upla âpu sa ai dakbaia.

2 Korint 13:3

Baku mika kaikma Kraist yang bâk dîa aisi ba tânka. Bamna Kraist man nani wal pramis daukan ba lika swapni daukras sa, sakuna man nani ra ai karnika ba mamrikisa.

2 Korint 13:5

Man nani laki kaiks wînam tânka ba aitani sma sapa, kasak lukan lâka ra aitani sma sapa kaikaia. ¿Kaikras sma ki Kraist man nani kupiam ra ba? Man nani ba kasak kristian apia kama lika, baha ba sip kasak lukras.

2 Korint 5:14

Kraist latwanka lâka ba mita yawan ra lâ wankisa, kumi ba upla sut pura mata pruan baha yang nani tânka briri ba wina, yang nani sin pat kaikisna upla sut lika pruan sa.

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

2 Korint 5:7

bamna yang nani lika kasak lukan lâka mita taukisna, wan nakra ni kaiki ba mita lika apia.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Galesha 3:11

Baha lika param sa, upla kumi sin âpu sa, lâ dîa wi ba kat dauki bamna, Gâd mita kasakkira kulki ba; kan Ulbanka ba wisa: “Gâd mita kasakkira kulki uplika ba, kasak lukan lâka mita raya kabia.”

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Epesus 5:25

Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

Pilipai 1:21

Kan yang maipa ra, raya kaia ba lika Kraist, bara pruaia ba lika diara kau pura praki briaia.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 8:3

Prîs tara bani ba prisant nani bara sakripais nani sin yabaia wisi mangkan sa; bara baku sin, Jisas Kraist ba diara kum yabaia witin bri kaia sa.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 3:20

Kaiks, yang dur ra kingbisna; ya yang bîli baikra wali dur ba kwâkbia kaka, ai watla ra dimi witin wal plun pimna.