Galesha 1:4 - DAWAN BÎLA AISKA

⁴ Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 1:4 ပူးပေါင်းရင်းမြစ်များ

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Aiseya 65:17

“Man nani kaiks, yang kasbrika raya nani bara tasba sin raya paskamni, bara almuk kata ba dukiara kli wan kupia kraukbia apia, ba dukiara wan lukanka ra sin kli bal dimbia apia.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Mark 10:45

Kan Upla Luhpia Waitna ba sin balras upla mita dukia daukbia dukiara, sakuna upla dukia daukaia, bara rayaka sin yaia, upla ailal swaki sakaia ba mata.

Luk 22:19

Baha ningkara, brit ba ai mihta ra brih, tingki wih, kriki, disaipil nani ra yabi, win: —Naha sika wîni tara, man nani sut dukiamra yan kabia ba. Naha na yang ra luki, dauki bas.

Luk 22:42

Witin bila: “Aisa, man wilin sma kaka, pât wahwaia sna ba wina swaki ai sâks, sakuna yang kupi lâka kat lika kabiara, kuna man kupiam lâka kat mika.” [

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 12:31

Bamna nanara sika naha tasba na lâka aisi daukan kaia piua ba, bara naha tasba wihtka tara aimaki ba sin latara lulkan kabia.

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Roman 8:27

Bara Gâd, wan kupia tânka pliki kakaira ba, Spirit dîa aisi ba witin pain kaikisa; kan Spirit lika Gâd uplika nani ba dukiara makabisa, Gâd kupia lâka ba kat.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

1 Korint 15:3

Pas tâura lika yang pali ra ai smalkan sturka ba sika man nani ra laki maikri ba. Mai smalkri sa Kraist ba wan saurka nani tâwan pruan, Ulbanka nani ra aisi ba baku;

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 5:16

Piua brisma na pain yus muni bas, kan yua nani na saura sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Epesus 6:12

Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba.

Pilipai 4:20

Wan Gâdka ra bara Aisa ra mayunan kabia, ban kaia ban kaia ra. Baku kabia.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Tesalonaika 3:11

Gâd wan Aisa pali, bara wan Dawan Jisas Kraist wal mita, yang nani ra hilp ai munbia man nani wih mai kaikamna dukiara.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 2:5

Baha tasbaya naika kabia dukiara yawan aisi ba purara, Gâd mita insal nani ba wihta nani mangkras sa.

Hibru Nani 6:5

Witin nani lika Gâd bîla painkira ba, bara naika balaia tasbaya karnika ba sin pat brih trai kaikan sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

1 Jan 3:16

Dîa ba latwan lâka sapa tânka yawan pain kaikisa, Jisas Kraist yawan wan tâwan ai rayaka ba yan bamna; bara yawan sin wan muihni nani tâwan wan rayaka ba yaban kaia sa.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.