Ester 8:3 - DAWAN BÎLA AISKA

³ Bara Ester ba kli ai mawanra kauhi ini, king ra makabi win, Amán watawanka bara ai kupia saurka ba mita, Ju nani sut sauhki tikaia wisi, ulbanka kumi tasba aiska ra lakan ba kulkanka âpu daukbia.

Ester 8:3 ပူးပေါင်းရင်းမြစ်များ

2 King Nani 4:27

Bara Ilaidsa il ra bâra kan ba kat wan, bara ai mina kat kiaubi alkan. Bara Guehazí ba balan ba wina tnaya ra sakaia, sakuna Ilaidsa bui win: —Swis, kan witin ba trabil pali brisa bamna, bara Dawan sin kau ai wiras sa dîa pali witin ra takan sa sapa.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 7:4

Yang bara tawanki aiska uplika nani sut na, wan atkan sa, sut wan sauhki tiki, iki âpu wan daukbia dukiara. Yang nani na alba mairin, alba waitna baku daukaia ra ai atki banhwan kaka, yang bîli praki sâp kamna, kan wan waihla ba sauhkanka nani uya daukbia apia, king brinka nani ba mapara.

Ester 8:2

Bara king mita Amán mihta wina mihtadingka sakan ba, Mardoqueo ra laki yaban; ba purkara sin, Mardoqueo ra Ester mita Amán watla kan ba pura kaikaia mangkan.

Ester 8:4

Bara king ba Ester ra ai kînka dusa gul ni daukan ba sakban. Bamna Ester ba ai mina ra buan ba ra,

Aiseya 38:2

Bara witin ba ai mawan tat kutban un ra lakan, bara naku Dawan ra ai pura sunan:

Oseas 12:4

Insal kum wal aitwaki, pura luan; inan bara makaban witin ra umpira kaikbia. Gâd lika witin wal Betel ra prawan bara bahara witin wal aisin.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

1 Samuil 25:24

Baha ningkara ai mawan ra kauhan bara win: —¡Dawanki, watawanka ba yarka yang purira kauhbia! Man ra puri sunisni, ai swis man ra mai aisaia bara aisinki nani ba wals.