Ester 8:10 - DAWAN BÎLA AISKA

¹⁰ Bara king Asuero nina ra ulbi bara king sîlka ba sin wal praki wauhtaya ailal blikan wan, king araska plaplapra nani ba wal.

Ester 8:10 ပူးပေါင်းရင်းမြစ်များ

1 King Nani 21:8

Bamna witin Ahab nina ra wauhkataya nani ulban, bara king mihtadingka ba ni sîl prakan, bara almuk nani ra bara Nabot takaski kan tawanka lalka nani ra sin blikan.

1 King Nani 4:28

Baku sin yan brih balan kan, barli mâ bara twi lâwan nani aras nani wark daiwra nani pata. Bamna upla bani ai warkka ba kat dauki kan.

2 Kronikas 30:6

Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

Ester 8:8

Bamna man nani wauhkataya kum ulbaia adar maikisni, yang nini ra, Ju nani hilpka dukiara, nahki ulbrika kau yamni kabia lukisma kaka baku uls. ¡Bara wauhkataya nani ba ra king sîlka ba sin mangki banhs! (Bara ani yua ra king nina ra bara sin king sîlka ba wal praki ulbanka kumi blikisa kaka, upla kumi sin baha ba lulkbia apia.)

Job 9:25

Yui nani ba karna plapisa, tasba ra lilia tânka ba kaikras pali.

Smasmalkra 8:4

King bîla ba tnata prakaia karnika brisa, bara upla kumi sin baha daukanka dukiara makabi walbia apia.

Aiseya 60:6

Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 51:21

Man ni aras nani âiulra nani ba, wagin nani ba, aras un kiwka alki nani ba, sut yuya man daukamna.

Daniel 4:1

“Yang, king Nabucodonosor, brinki sa upla sut ba kupia kumi lâka bri pâwi kabia, nisan nani, upla nani bara bîla sât sât aisi ba naha tasbaya ra iwi nani ba.

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.