Ester 7:9 - DAWAN BÎLA AISKA

⁹ Bara king tara warkka uplika kum nina Harboná, baha mita naku win: —Kaiks, Amán watla latka ra pat ridi bâra paskan sa, langki ikaia dusa kum, ai yarika ba 75 pît; naha wal sika Mardoqueo langki ikaia wisi paskan ba. Bara king mita win: —Ban kaka, baha dusa ra pami langki iks.

Ester 7:9 ပူးပေါင်းရင်းမြစ်များ

2 King Nani 9:32

Bara Jehú ai nakra windar tani ra kaikan bara win: —¿Ya yang wal nâra sa ki? Bara wihta wâl, apia kaka yumhpa bal, witin ra biki kaiki kan.

Ester 1:10

Lapta yu 7 lilia ba dauki kan bilara, king kupia ba wain din ba tâka mita lilia tara takan, bara adar yaban Mehumán, Biztá, Harboná, Bigtá, Abagtá, Zetar, Carcás, baha nani 7 ba witin ai uplika aihwa kulki kan ba,

Ester 5:14

Bamna Zeres bara ai pânika nani ba naha aisinka nani ba sut walan ningkara, naku win: —Langki ikaia dusa kumi yas paskbia, ai yarika ba 75 pît. Bara king ra wis, Mardoqueo ba bahara langki pami ikbia. Baha dauki swi si, pata tara liliakira ba ra king wal dims. Bara naha ba Amán mita aitani pali kaikan, bamna langki ikaia dusa ba yaban paskan.

Ester 6:14

Bara witin kau ai uplika nani wal aisi kan ba ra, king albika nani ba witin ra aihni muni balan, baha pata tara Ester mita daukan kata ba, bahara brih waia wisi.

Ester 6:2

Bara king Asuero ra ikaia wisi, Bigtán wih Teres wal ridi taki kan, Mardoqueo king ra ulbi swin kan sturka ba wal prawan.

Ester 8:7

Bara Asuero bui kwin mairin bara Mardoqueo wal ra win: —Kaiks, yang Ester ra Amán watla kata ba yabri sa, baha purkara sin, Amán ba pat langki ikaia dusa ra langki ikan, Ju nani mapara ai mihta bukan ba tâwan.

Ester 9:14

Bara king adar yaban baku daukaia; naha adarka ba Susa ra yaban bara Amán luhpia nani matawalsip ikan nani ba sut dus ra pami swin.

Ester 9:25

Sakuna Ester ba king kaikaia balan ba ra, king mita ulbi adar yaban baha waitnika ai lukanka ra saura luki, Ju nani ra sauhki tikaia daukan ba witin ai lal ra kabia, witin ra bara ai luhpia nani ra sin dus ra pami langki ikbia.

Lawana Nani 141:10

Upla watawikira nani yarka, ai iliska ra kauhi aimakbia, yang lika ban tâiura impaki kamni, man wal.

Lawana Nani 35:8

¡Sauhkaia pâtka witin nani ai dahra walras kaka, bal prak alkbia! ¡Mina alkaia nani paskan ba, ai mina nani kli bahara alkbia! ¡Sauhki tikaia pâtka kat, witin nani kli bahara kauhbia!

Lawana Nani 73:19

¡Witin nani ba, wan nakra klipan baku sauhki tikma! ¡Sibrin ba bui âpu daukbia!

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Daniel 6:7

Baha kingka tasbaya wihtka nani ba sut asla takanka kumi brin, baha asla takanka ra lâ kumi dauki banhwan, yu 30 ba kat, upla kumi sin ai gâdka ra sapa, upla ra sapa sin ai pura sunan kaia apia, king ra baman lika, ya naha bîla na kulkras kabia kaka, layan nani watla ra lulkan kabia.

1 Samuil 17:51

plapi wih filisteo purara buan bara sordka ba alki taya wina saki sordka ni iki, bara ningkara lal ba sin klaki dakban. Bamna filisteo nani kaikan ai tâ uplika aiklaklabra kau pain ba pruan, bara witin nani sut taki plapan.