Ester 7:8 - DAWAN BÎLA AISKA

⁸ Baha ningkara, king ba utla latka giadin ba wina tawi balan bara pata tara pi ba ra diman, bara kaikan Amán ba Ester iwaika ra ai lula kriki bâra kan, bara pliska ra Ester ba aitniki bâra kan, bara king ba baha kaiki, naku win: —¿Kwin mairin ra sin yang waitla kat alki, kakalni saura munaisma ki? King ba naha bîla ba nan aisin ba wal, Amán mawan ba king warkka uplika nani ba mita prakan.

Ester 7:8 ပူးပေါင်းရင်းမြစ်များ

Ester 1:5

bara liliaka ba luan ningkara, king ba lilia tara wala daukan yu 7, king watla latka ba kat. Susa kan kahbaika pliska bri ba ra upla nani iwi kan ba sut, upla tara ba wina sirpi ba kat asla paiwi daukan.

Ester 1:6

Bara watla latka ba kwala mapla pihni bara mapla siakni ni skahkan; bara kwalka paman awa nani ba balianta kwalka, kiwa nani ba walpa klauhira nani ra wilkan kan, bara iwaika ba gul bara silbar ni paskan kan; baha purkara sin tasba ba walpa mapla siksa wih pihni wal lalauban kan.

Ester 6:12

Naha daukan ba ningkara, Mardoqueo ba kli king watla dimaika ra balan. Bara Amán lika, ai kupia ra wirha tara wal, ai lal biki aihni muni ai watla ra wan.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Job 9:24

Tasba na saurakira nani mihta ra swisa, lâ dadaukra nani ra nakra wilkisa. Bara baha ba Gâd wina apia kaka, ¿ya wina kabia ni?

Aiseya 22:17

Nanara kaiks, Dawan naha wina laihura mai lulkbia, waitna karna kum dauki ba baku. Ai karnika ni mai alkbia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Emus 3:12

Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Mark 14:65

Bara upla tila nani mahka witin ra yabalaya tuhban, ai mawan praki pruki kan, naku sin witin ra win: —¡Dahra aisi wis, ya mai prukan sapa! Bara tempel ra aihwaki kan nani ba mita ai mawan ra prukan.