Ester 6:11 - DAWAN BÎLA AISKA

¹¹ Bara Amán ba dimaika kwalka ba brin, bara Mardoqueo ra dingkan, araska ba brin bara tawan uplika nani kirhbaika pliska ra wapi, witin ra wini mayuni kan: “¡Naku kulkanka yabisa, king mita yaura kulkanka yabaia luki ba ra!”

Ester 6:11 ပူးပေါင်းရင်းမြစ်များ

Esdras 6:13

Bara baku wihta tara Tatenai, Setar-boznai bara ai pânika nani sut aikuki, Éufrates awala muna tani ra iwi banhwi kan ba, dîa king Darío win kan ba kat daukan.

Ester 6:10

Bara king Amán ra win: —Man pat muni, dimaika kwalka ba wih araska ba wal brih, man dîa wiram ba kat, Mardoqueo Ju waitna, king watla dimaika ra iwi ba wal baku dauks. Aisaram dukia ba diara kumi sin swirka lubiara.

Ester 6:12

Naha daukan ba ningkara, Mardoqueo ba kli king watla dimaika ra balan. Bara Amán lika, ai kupia ra wirha tara wal, ai lal biki aihni muni ai watla ra wan.

Ester 8:15

Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Ester 9:3

Bara tawan wihtka nani, aiklaklabra wihtka nani, ai tawanka watlika ra aimaki nani bara king albika nani sut ba, Ju nani ra tâ baiki kan, Mardoqueo sibrinka ra.

Sins Lâka 27:18

Kwah damni dusa aihwaki kaiki uplika ba, baha mâ wina pîsa, baku ai dawanka dukia nani ban aihwaki kaiki uplika ba, kulkanka bribia.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Luk 1:52

King nani ra ai iwaika wina yaban mâyara iwan bara bawikira nani ba lika purara bukan.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.