Ester 6:1 - DAWAN BÎLA AISKA

¹ Baha sim tihmika, king ba sip yapras kan; bara win wauhtaya ulbanka nani bri ba brih balbia dukiara, baha wauhkataya ra diara tara nani tawan ra takan ulbi mangkan ba, bara ai mawanra aisi kaikbia.

Ester 6:1 ပူးပေါင်းရင်းမြစ်များ

Blasi Sturka 22:14

Bara Ebraham baha ilka ba nina ba “Brin wan dauki ba, Dawan wina wankisa” mâkan. Baha mita baha yua wina naiwa kat kau ban baha ilka nina baku mâkisa: “Diara brin wan dauki ba, Dawan wina wankisa.”

Ester 10:2

Bara diara sut pali ai karnika bri wal daukan ba, bara kulkanka tara pali Mardoqueo yabi diara nani aiska purkara mangkan kan ba sut, Media bara Persia ra diara nani takan ulbi kan wauhkataya nani ra ulbi mangkan sa.

Ester 2:21

Baha yua nani ra Mardoqueo ba king watla dimaika kat iwi kan, bara wihtka tara Bigtán bara Teres wal king ba ikaia wisi aisi kan walan, bara naha waitnika wâl na, ai kupia sauhki lawi aisi kan king ba ikaia dukiara.

Ester 2:22

Bara Mardoqueo wali, kwin mairin Ester ra win, bara Ester bui king ra win, Mardoqueo win dahra ba.

Ester 2:23

Bara naha dukiara tânka plikan kasak aisi sapa kaikaia dukiara, bara baha ba kasak kan; bamna naha waitnika wâlsut dus ra pami langki ikan. Bara naha daukanka ba sturka king wauhkataya ra ulban sa.

Ester 5:8

King tara, latwan ai kaikisma kaka, bara sin brinki ba wih makabanki ba wal daukaia sma kaka, makabisna man yauhka kli Amán wal pata tara wala ridi daukri ba ra waia. Bâra lika king man dîa daukaia ai wima ba daukamni.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Daniel 2:1

King Nabucodonosor mani wâl king aimaki kan ba piua ra, witin yaprisauhkan kaikan, bara baha kaikan kata ba wina witin pali ai kupia wal uya pali aisi sip yapras kan.

Daniel 6:18

Baha ningkara king mahka wan ai watla ra, bara plun sin piras ai krikrika ra aitnikan, miusik kangbaia dukia nani sâtka kumi sin yan ai mawanra brih balras kan, baha tihmika aiska king ba yapras kan.

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.