Ester 3:4 - DAWAN BÎLA AISKA

⁴ Bara naha dukiara yu bani ra makabi wali kan Mardoqueo ra, sakuna witin ba walras baku ban tauki kan. Bara Amán ra dahra sakan, kapu Mardoqueo ba dîa win ba kat ai lukanka ba lakras kabia sapa, baha purkara sin, witin Ju uplika ba pat param takan kata.

Ester 3:4 ပူးပေါင်းရင်းမြစ်များ

Blasi Sturka 39:10

Sakuna mairin ba lika baha walras. Witin yu bani ban Josep ra aisi kan wal krikri ra waia bara ai lamara prawbia, sakuna Josep mairin aisi ba walras baku kan.

Esdras 1:3

Bamna ya man nani tilamra Dawan uplika bâra sa kaka, Gâd ba man nani wal kabia. Bamna Jerusalem ra was, baha lika Juda tasbaya ra ba, bahara Dawan Israel Gâdka tempelka ba mâkaia, witin sika Dawan, Jerusalem ra iwi ba.

Ester 3:3

Bara king warkka dadaukra nani ba mita Mardoqueo ra makabi walan dîa kan king adar yaban ba daukras ba.

Ester 3:5

Bara Amán kaikan Mardoqueo ba witin ra ai lula krikras, ai lal sin bawras ba witin kaiki ba ra; bara Amán ba kasak pali lawan.

Daniel 3:12

Baku bamna, tila Ju nani bâra sa, baha uplika nani ba man king tara bui Babilon tasbaya pura kaikaia mangkram ba, witin nani man king tara dîa lâ daukisma ba kulkras sa, gâd nani ra bawi kulkanka yaras sa, bara man wiram gul ni lilka dauki bapan ba ra bawi mayunras sa, baha nani ba sika Sadrac, Mesac bara Abed-negó.

Daniel 6:13

Bamna witin nani ban aisi, win: —Daniel lika, priski Juda wina brih balan ba tila wina kumika sa, witin ba man ra king mai kulkras sa, man lâ mangkram ba sin kulkras, witin yu bani aima yumhpa ban ai pura sunisa.

Jona 1:9

Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.