Ester 3:13 - DAWAN BÎLA AISKA

¹³ Bara wauhtaya nani ailal blikan wan wauhtaya twatwilkra nani ba wal, king tasbaya nani aiska ra, Ju nani almuk tuktan, mairin bara wahma nani ba sut iki tikaia bara diara bri ba sut witin nani dawanka takbia. Baha yua mangkan ba lika, kati 12, yua 13 ra kabia.

Ester 3:13 ပူးပေါင်းရင်းမြစ်များ

2 Kronikas 30:6

Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

Ester 7:4

Yang bara tawanki aiska uplika nani sut na, wan atkan sa, sut wan sauhki tiki, iki âpu wan daukbia dukiara. Yang nani na alba mairin, alba waitna baku daukaia ra ai atki banhwan kaka, yang bîli praki sâp kamna, kan wan waihla ba sauhkanka nani uya daukbia apia, king brinka nani ba mapara.

Ester 8:5

naku win: —King tara ba aitani kulkisa kaka, bara sin king tara mawanra yamni ai kaikisa kaka, naha ba sin kasak sa king mapa ra, ba purkara sin yang na namkra ra aitani sna kaka, adar kumi ulbi sâks baha wauhkataya Amán mita adar yaban ulbi sakan ba ai lukanka saura wal, Ju nani aiska iki tikaia wisi daukan ba, bahki ra kulkan kabia.

Ester 9:1

Yua 13, kati 12 ra, Adar katka mâki ba ra, king adarka ba aimakaia kata; baha yua pali ba sika Ju nani wailhka ba aihwaki kan, Ju nani ba iki, âpu tiki, dukia kukanka nani ba ai dukia briaia, ban sakuna lâka kata aikarwi tawan. Bara pana Ju nani mita witin nani ra misbara kaiki kan uplika nani ra, taibi pura luan bara ai dukia kukan nani kan ba, nanara witin nani sika dawanka takan.

Ester 9:10

Baha nani sika Amán luhpia waitna nani matawalsip kan ba, sut ikan, witin lika Ju nani wailhka kata; sakuna ai dukia kukanka nani ba lika kangbras kata.

Ester 9:5

Bara Ju nani mita ai waihla nani ba iki âpu daukan sord nani wal; ai waihla nani ra dîa daukaia lukan ba kat âpu daukan.

Job 9:25

Yui nani ba karna plapisa, tasba ra lilia tânka ba kaikras pali.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Jirimaya 51:31

Upla kum kli upla wala witin nani plapi bal Babilon kingka ra win, tawanka tara ba pat pura luan sa.

Roman 3:15

Ai mina nani ba aihni plapi taukisa tala laikaia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’

1 Samuil 22:19

Baha ningkara Nob ra diman, prîs nani tawanka ra waitna, mairin, tuktan bara bibi swap luhpia nani sut sord ni ikan. Baku sin bîp wainhka nani, biriku nani bara sîp nani sin ikan.