Ester 3:1 - DAWAN BÎLA AISKA

¹ Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 3:1 ပူးပေါင်းရင်းမြစ်များ

Blasi Sturka 41:40

King watla wirhika na man puramra brima, yang tawanki uplika nani sut ba, man dîa daukaia wima ba bîlam walbia, yang baman kau puramra kamna, kan yang na king sna bamna.

Blasi Sturka 41:55

Idsip tasbaya aiska ra upla nani pata âpu takan mahka plun wahwi kan ba ra, witin nani king fero ra plun makabaia balan. Bara king fero Idsip uplika nani sut ra win: “Man nani Josep ra wih aisas, bara witin dîa man nani ra mai wibia ba man nani baha dauks.”

Esdras 7:14

Kan king bara witin ra lâ mariki uplika nani 7 ba wina mai blikisa, Juda bara Jerusalem ra sin wama, Gâdkam lâka mihtam ra brisma ba tânka kat, baha nani ai tânka ba laki kaikaia.

Ester 1:14

Baha nani tilara king kau lamara kan nani ba, naha uplika nani kan: Carsená, Setar, Admata, Tarsis, Meres, Marsená, Memucán; naha uplika 7 nani ba wihtka tara nani kan, witin nani ba king kupia krakraukra nani kan, bara Persia wihki Media wina kata, daknika tilara lalka kum kan, bara tasbaya tara wâl ba purara karnika bri kata.

Ester 3:10

Bara king ba ai mihtadingka ba daiki, Amán Ju nani waihla ra yaban,

Ester 5:11

bara Amán ba ai dukia kukanka tara bri ba, bara ai luhpia ailalka nani ba dukiara, bara baku sin diara nani ailal ba purara king mita tara pali kulkan ba, bara wihta nani purkara sin mangkan ba, naha dukia nani aiska ba dukiara aisi kan.

Ester 7:6

—¡Wan waihla bara wan mapara saura ba sika, naha Amán watawikira na! —baku Ester aisin. Bara Amán ba sirang iwan, king bara kwin mairin ba wal mawanra, naha bîla walan ba ra.

Ester 8:3

Bara Ester ba kli ai mawanra kauhi ini, king ra makabi win, Amán watawanka bara ai kupia saurka ba mita, Ju nani sut sauhki tikaia wisi, ulbanka kumi tasba aiska ra lakan ba kulkanka âpu daukbia.

Lawana Nani 12:8

Wan tnaya bani ra, upla watawi nani wataukisa, bara tasba aiska ba, watawikira mayunisa.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Smasmalkra 10:6

Sinskas nani ra wark tara daukaia yabisa, bara upla kau tara ba wark bahki ba yabisa.

Daniel 6:2

Baha nani ba purara pura kakaira yumhpa mangkan, baha nani bui wihta nani mangkan nani ba purara aihwaki kaiki kaia, baku mika king mapara diara watawi kumi sin takbia apia dukiara. Pura kakaira nani yumhpa ba wina kumika ba Daniel kata.

Kulki Kaikanka 24:7

Israel luhpia nani lî manis diaia bribia, bara diara mangkan nani ba ra laikaia sin. Witin nani kingka ba mita Agag pura lubia; kingka karnika ba tara pali kabia.

1 Samuil 15:33

Sakuna Samuil witin ra win: —Man sordkam ni mairin ailal ra luhpias swiram sa. Bamna naiwa man mamikam sin luhpias takbia. Kau diara aisaras, Guilgal kat Dawan mawanra Agag ba klaki pîs pîs daukan.

1 Samuil 15:8

bamna king Agag ba raya alki priskan, bara ai aiklaklabrika nani sut lika sord ni klaki ikan.