Ester 2:7 - DAWAN BÎLA AISKA

⁷ Mardoqueo ba ai lakra kumi bri kan, ai rapika luhpia; mairka ba rau, ai yaptika bara ai aisika wâlsut ba pruan; bara witin mita tuktika mairin ba ai luhpia mairin baku pakan. Ai nina ba Hadasá mâki kan, wibia kaka lika Ester. Witin ba tukta mairin wîna daukra painkira pali kan.

Ester 2:7 ပူးပေါင်းရင်းမြစ်များ

Blasi Sturka 48:5

Baha ba aitani, nanara luhpiam nani Efraín bara Manasés ba, witin nani ba nâra Idsip tasbaya ra aisubi takan, yang naha kuntrika ra bal iwras kapri ba kainara. Bahamna witin nani ba sin yang luhpi nani pali sa, luhpi nani Ruben bara Simian luhpi aihwa ba baku.

Ester 1:11

kwin mairin Vasti ba prana dauki muni, king kraunka ba wal brih balbia taim upla nani kaikaia dukiara, wihta tara nani sut ra ai prana ba marikaia dukiara, kan witin ba mairin pranakira pali kan ba mita, rait pali witin ba mairin painkira kan.

Ester 2:15

Bara Ester, Mardoqueo rapika, Abihail luhpia mairin ba, witin mita ai luhpia baku pakata ba, witin ba king mawanra balaia yua aimakan ba ra, diara kumi sin brih waia lukras kan. Sakuna dîa Hegai win kan ba kat brih wan; bara baha nani Ester ra kaikan nani ba sut, witin ra pain pali lukan.

Ester 2:20

Baku sin, Ester ba dîa Mardoqueo mita win kan ba kat bîla wali dauki kan; ba mita sin witin ani pliska wina bara ya kiamka kan ba sin upla ra wiras kan, dîa Mardoqueo win ba kat dauki kan, witin wal kan piua ra smalkan ba baku.

Ester 8:1

Sim yua ra king Asuero, Amán watla kata ba kwin mairin Ester ra yaban, witin sika Ju nani waihla kata ba. Bara ningkara, Mardoqueo ba king lamara balan, kan Ester mita pat king ra win kan Mardoqueo ba ai lakra sa.

Job 31:17

Yu kumi sin yang yakan pati ba piras katni, sakuna rau nani aikuki yui piri.

Job 31:18

Piua sut ra yang lika rau nani aisika baku aimaki katni, piua bani sin piarka nani hilpka aimaki katni.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.